Rule Change : એક ડિસેમ્બરથી બદલાઈ જશે આ નિયમો, મુશ્કેલી સર્જાય તે પહેલા જ જાણી લો
Rule Change from 1 December 2024 : દર મહિનાની જેમ આ મહિને પણ ઘણા નિયમો બદલાવા જઈ રહ્યાં છે. આમાં ગેસના ભાવથી લઈને ક્રેડિટ કાર્ડના નિયમો સામેલ છે.
મહિનાની શરૂઆત સાથે બદલાવા જઈ રહેલા નિયમો પહેલા જ જાણી લેવા જરૂરી છે. જો આમ થાય તો ક્યારેક મુશ્કેલીનો સામનો કરવો પડી શકે છે.
એલપીજી ગેસની કિંમત
1 નવેમ્બરના રોજ એલપીજી સિલિન્ડરની કિંમતમાં ફેરફાર કરવામાં આવ્યો હતો. 19 કિલોના કોમર્શિયલ સિલિન્ડરની કિંમતમાં વધારો થયો છે. માનવામાં આવી રહ્યું છે કે ઓઈલ કંપનીઓ ડિસેમ્બર મહિનામાં ફરી એકવાર સિલિન્ડરના ભાવમાં ફેરફાર કરી શકે છે.
ક્રેડિટ કાર્ડ નિયમોમાં ફેરફાર
જો તમે ક્રેડિટ કાર્ડનો ઉપયોગ કરો છો તો તેમાં પણ ફેરફાર થ ઈ રહ્યા છે. 1 ડિસેમ્બર 2024થી ક્રેડિટ કાર્ડના નિયમોમાં ફેરફાર થવા જઈ રહ્યો છે. સ્ટેટ બેંક ઓફ ઈન્ડિયાના ક્રેડિટ કાર્ડમાં ડિજિટલ ગેમિંગ પ્લેટફોર્મ પર ટ્રાન્ઝેક્શનના નિયમો બદલાવા જઈ રહ્યા છે. આવતા મહિનાથી સ્ટેટ બેંકના લગભગ 48 અલગ-અલગ કાર્ડ્સ પર આવા વ્યવહારો પર રિવોર્ડ પોઈન્ટ ઉપલબ્ધ નહીં રહે.
આધાર અપડેટ
જો તમે તમારા આધાર કાર્ડમાં ફોટો, એડ્રેસ સહિતની વિગતો અપડેટ કરવા માંગો છો તો તમે તેને 14 ડિસેમ્બર સુધી મફતમાં અપડેટ કરી શકો છો. આ પછી તમારે કોઈપણ અપડેટ માટે ચૂકવણી કરવી પડશે.
બેંક હોલિડે
ડિસેમ્બર મહિનામાં ઘણી બેંક રજાઓ છે. કોઈપણ કામ માટે બેંક જતા પહેલા ખાસ કાળજી લેવાની જરૂર છે. ડિસેમ્બર મહિનામાં કુલ 17 દિવસ છે જ્યારે બેંકમાં રજાઓ રહેશે. આમાં 25મી ડિસેમ્બર અને સાપ્તાહિક રજાઓનો પણ સમાવેશ થાય છે. રાજ્યોમાં સ્થાનિક રજાઓનો પણ સમાવેશ થાય છે.
Click it and Unblock the Notifications
Sign in with Google
