Rules Change : 1 સપ્ટેમ્બરથી બદલાઈ જશે આ નિયમો, આજે જ જાણી લો
Rules Change : આગામી સપ્ટેમ્બર મહિનાની શરૂઆત થતાં જ કેટલાક મહત્વના નિયમોમાં ફેરફાર થવા જઈ રહ્યા છે. આ ફેરફારોની સીધી અસર તમારા રોજિંદા ખર્ચ અને નાણાકીય વ્યવહારો પર પડી શકે છે.
અહીં એવા પાંચ મોટા ફેરફારો વિશે માહિતી આપવામાં આવી છે જે ૧ સપ્ટેમ્બર ૨૦૨૫થી લાગુ થવા જઈ રહ્યાં છે.
SBI ક્રેડિટ કાર્ડના નિયમોમાં ફેરફાર
ભારતની સૌથી મોટી બેંક સ્ટેટ બેંક ઓફ ઈન્ડિયા (SBI) તેના ક્રેડિટ કાર્ડધારકો માટે એક નવો નિયમ લાવી રહી છે. આ નિયમ હેઠળ, હવેથી ડિજિટલ ગેમિંગ પ્લેટફોર્મ, વેપારીઓ અને અમુક સરકારી વ્યવહારો પર રિવોર્ડ પોઈન્ટ્સ નહીં મળે.
LPG સિલિન્ડરના ભાવ
દર મહિનાની જેમ આ વખતે પણ LPG સિલિન્ડરના ભાવમાં ફેરફાર થવાની સંભાવના છે. ગયા મહિને કોમર્શિયલ સિલિન્ડરના ભાવમાં ઘટાડો થયો હતો, પરંતુ ઘરેલુ સિલિન્ડરના ભાવમાં કોઈ ફેરફાર થયો નહોતો. આશા રાખવામાં આવી રહી છે કે સપ્ટેમ્બરમાં ઘરેલુ LPG સિલિન્ડરના ભાવમાં પણ ઘટાડો થઈ શકે છે.
ચાંદીના દાગીના માટે હોલમાર્કિંગ
સરકાર ચાંદીના દાગીનાની શુદ્ધતા સુનિશ્ચિત કરવા માટે એક મોટું પગલું ભરી રહી છે. ૧ સપ્ટેમ્બર ૨૦૨૫થી ચાંદીના દાગીના પર હોલમાર્કિંગનો નવો નિયમ લાગુ થઈ શકે છે. જો કે, શરૂઆતમાં આ નિયમ વૈકલ્પિક રહેશે, એટલે કે ગ્રાહકો હોલમાર્કવાળા અથવા બિન-હોલમાર્કવાળા દાગીના ખરીદવાનો વિકલ્પ પસંદ કરી શકશે.
પોસ્ટ ઓફિસમાં રજિસ્ટર્ડ પોસ્ટ મર્જ
પોસ્ટ ઓફિસની સેવાઓમાં પણ મોટો ફેરફાર આવી રહ્યો છે. ૧ સપ્ટેમ્બર ૨૦૨૫થી રજિસ્ટર્ડ પોસ્ટને સ્પીડ પોસ્ટ સેવામાં મર્જ કરવાની જાહેરાત કરવામાં આવી છે. આનો અર્થ એ છે કે હવે રજિસ્ટર્ડ પોસ્ટ માટે કોઈ અલગ સેવા ઉપલબ્ધ રહેશે નહીં અને બધી રજિસ્ટર્ડ પોસ્ટ હવે સ્પીડ પોસ્ટ કેટેગરી હેઠળ જ મોકલવામાં આવશે.
CNG અને PNGના ભાવ
છેલ્લા કેટલાક સમયથી CNG અને PNGના ભાવ સ્થિર રહ્યા છે, પરંતુ સપ્ટેમ્બર મહિનામાં તેમાં ફેરફાર થવાની સંભાવના છે. જોકે, આ ફેરફાર બજારની પરિસ્થિતિઓ પર આધાર રાખે છે.
Click it and Unblock the Notifications
Sign in with Google
