સેમસંગે ભારતીય બજારમા ઉતાર્યો ગેલેક્સી મેગા ફોન

Published: Wednesday, May 29, 2013, 14:44 [IST]

સેમસંગે ભારતીય યુવાઓને ટાર્ગેટ કરતા બે નવા હેન્ડસેટ માર્કેટમાં લોન્ચ કર્યા છે. એન્ડ્રોઇડ પ્લેટફોર્મ પર રન કરનારા ગેલેક્સી મેગા 6.3 અને 5.8 સ્માર્ટફોન લોન્ચ કરવામાં આવ્યા છે. સેમસંગે રજુ કરેલા ફોન્સમા ગેલેક્સી મેગા 6.3 સ્ક્રિન સાઇઝના મામલે સૌથી મોટો સ્માર્ટફોન છે. બન્ને સ્માર્ટફોન મોડલમાં 4.2 જેલી બીન ઓપરેટિંગ સિસ્ટમ આપવામાં આવી છે. જેમાં લેટેસ્ટ ઓએસ આપવામાં આવ્યા છે.

સેમસંગના નવા ફોન માર્કેટમાં જૂનના પહેલા સપ્તાહ અને ત્રીજા સપ્તાહથી મળવાના શરૂ થઇ જશે. ગેલેક્સી મેગા 5.8 ભારતીય બજારમાં 25,100 રૂપિયા, મેગા 6.3 સ્માર્ટફોન 31,490 રૂપિયામા લોન્ચ કરવામાં આવ્યા છે, પરંતુ દેખાવે બન્ને ફોન એક જેવા લાગે છે. તેમની સ્ક્રિન સાઇઝની વાત કરવામાં આવે તો 5.8 ઇન્ચના ગેલેક્સી મેગામાં 960 x 540 રેઝોલ્યુશન સપોર્ટ આપવામાં આવ્યું છે અને 6.3 ગેલેક્સી મેગામા 1280 x 720 રેઝોલ્યુશન સપોર્ટ આપવામાં આવ્યું છે.

પ્રોસેસરની વાત કરવામાં આવે તો ગેલેક્સી 6.3 મેગામાં 1.7 ગીગાહર્ટનું ડ્યુએલ કોર પ્રોસેસર ઇનબિલ્ડ છે, જ્યારે ગેલક્સી મેગા 5.8માં 1.4 ગીગાહર્ટનું ડ્યુએલ કોર પ્રોસેસર છે. કેમેરાની વાત કરવામાં આવે તો બન્ને સ્માર્ટફોનમાં 8 મેગાપિક્સલ રિયર કેમેરા અને વીડિયો કોલિંગ માટે 1.9 મેગાપિક્સલ ફ્રન્ટ કેમેરા છે. દરેક સ્માર્ટફોનમાં મેમરી ઓપ્શન ઘણું મહત્વ ધરાવે છે, ગેલેક્સી 6.3માં 8 જીબી અને16 જીબી ઇન્ટરનલ મેમરી ઓપ્શન જ્યારે 5.8મા 8 જીબી ઇન્ટરનલ મેમરી અને 64 જીબી એક્સપાન્ડેબલ મેમરી ઓપશન, ગેલેક્સી મેગા 6.3 અને 5.8માં 4.0 બ્લુટુથ, વાઇફાઇ, જીપીએસ, આઇઆર સેંસર અને 3જી સપોર્ટ છે, પરંતુ 4જી અને એનએફસી સપોર્ટ માત્ર ગેલેક્સી મેગા 6.3માં જ આપવામાં આવ્યા છે. તો ચાલો તસવીરોમાં નિહાળીએ સેમસંગના ગેલેક્સી મેગાને.