SBI FD Rates: સીનિયર સિટીઝનને SBIમાં FD પર મળી રહ્યું છે 7.50 ટકા વ્યાજ, જાણો પાકતી મુદ્દે કેટલા રૂપિયા મળશે?

સ્ટેટ બેંક ઓફ ઈન્ડિયા (SBI) તેના ગ્રાહકોને વિવિધ મુદત માટે ફિક્સ્ડ ડિપોઝિટ (FD) યોજનાઓ ઓફર કરે છે. વરિષ્ઠ નાગરિકો (60 વર્ષ અને તેથી વધુ ઉંમરના) આ યોજનાઓમાં રોકાણ કરીને ઊંચા વ્યાજ દર મેળવી શકે છે. SBI FD માં 7 દિવસથી લઈને 10 વર્ષ સુધીના રોકાણનો વિકલ્પ છે.

જો કોઈ વરિષ્ઠ નાગરિક SBIની એક વર્ષની FD યોજનામાં રોકાણ કરે છે, તો તેને 7.30% વ્યાજ દર મળે છે. ઉદાહરણ તરીકે, જો તમે ₹3,00,000 જમા કરાવો છો, તો તમને પાકતી મુદત પર ₹3,22,507 મળશે. તેવી જ રીતે, જો તમે ₹6,00,000નું રોકાણ કરો છો, તો તમને એક વર્ષ પછી ₹6,45,014 મળશે અને ₹9,00,000 રોકાણ કરવા પર તમને ₹9,67,521 મળશે.

SBI વરિષ્ઠ નાગરિકોને ત્રણ વર્ષ માટે FD પર 7.25% વ્યાજ આપે છે. જો તમે આ સમયગાળામાં ₹3,00,000નું રોકાણ કરો છો, તો તમને ₹3,72,164 મળશે. ₹6,00,000ના રોકાણ પર તમને ₹7,44,328 અને ₹9,00,000ના રોકાણ પર તમને ₹11,16,492 મળશે.

પાંચ વર્ષ માટે SBI FD પસંદ કરનારા વરિષ્ઠ નાગરિકોને 7.50% ના વ્યાજ દરનો લાભ મળે છે. આ યોજનામાં ₹3,00,000નું રોકાણ 5 વર્ષમાં વધીને ₹4,34,984 થશે. ₹6,00,000ની FD ₹8,69,969નું વળતર આપશે અને ₹9,00,000ની FD ₹13,04,953નું વળતર આપશે.

SBI FD માં રોકાણ કરનારા ગ્રાહકોને લોનની સુવિધા પણ મળે છે. રોકાણકારો તેમની FD રકમના 90% સુધી લોન મેળવી શકે છે. ખાસ વાત એ છે કે જો પૈસાની જરૂર હોય તો FD તોડ્યા વિના લોન લઈ શકાય છે. જોકે, આ લોન પરનો વ્યાજ દર FD પરના વ્યાજ દર કરતા 1% થી 2% વધુ હોઈ શકે છે.