SBI નવું ATM કાર્ડ, ON-OFF કરવાની સુવિધા, સુરક્ષિત રહેશે તમારા પૈસા

બેન્ક એકાઉન્ટ ધારકો વધુ પ્રમાણમાં ATM નો ઉપયોગ કરે છે. ATM દ્વારા લોકો 24 કલાક પૈસા ઉપાડી શકે તેવી સુવિધા મળે છે. ATM માં સુવિધાઓ સાથે, ખતરો પણ વધી રહ્યો છે. બેન્કિંગ ફ્રોડના નવા નવા કેસ સામે આવી રહ્યા છે. ATM ને હેક કરીને લોકો સાથે ફ્રોડ કરી તેમના એકાઉન્ટ ખાલી કરવામાં આવે છે, પરંતુ હવે એવું બનશે નહીં. દેશની સૌથી મોટી સ્ટેટ બેન્ક ઓફ ઇન્ડિયા (એસબીઆઇ) એ તેના ખાતાધારકો માટે નવી સર્વિસ વાળું ATM કાર્ડ જારી કર્યું છે. આ ATM કાર્ડમાં તમને તમારા મુજબ તેને નિયંત્રિત કરવાની સુવિધા મળશે.

આ પણ વાંચો: RBIની આ એપ અસલી અને નકલી નોટ ઓળખવામાં મદદ કરશે

SBI નું નવું એટીએમ

દેશની સૌથી મોટી બેંક એસબીઆઇએ તેના ગ્રાહકો માટે એક એવું ATM કાર્ડ જારી કર્યું છે, જેમાં તમને તમારા અનુસાર નિયંત્રિત કરવા માટેની સુવિધા મળે છે. એસબીઆઈની આ સર્વિસ ક્વિક દ્વારા મળશે. એસબીઆઇ ક્વિકમાં ATM કાર્ડ માટે ઘણી વિવિધ સુવિધાઓ છે. તમે તેના દ્વારા તમારા ATM ને ON-OFF કરી શકો છો.

એટીએમ ON-OFF ની સુવિધા

એસબીઆઈની આ સેવામાં, ગ્રાહકોને એપ દ્વારા તેમના ATM કાર્ડને બ્લૉક કરવા, ઓન અથવા ઓફ કરવાની અને ATM PIN જનરેટ કરવાની સુવિધા મળશે. આનો અર્થ છે કે તમે એક એપની મદદથી તમારા કાર્ડની સંપૂર્ણ સુરક્ષા કરી શકો છો. તમે એસબીઆઈના આ એપનો ઉપયોગ ફક્ત ત્યારે જ કરી શકો છો જયારે આ એપ તે મોબાઇલ નંબર પર ડાઉનલોડ કરવામાં આવશે, જે મોબાઈલ નંબર તમારા બેંક એકાઉન્ટ સાથે રજીસ્ટર્ડ હોય.

કેવી રીતે કામ કરે છે

એપ ડાઉનલોડ કર્યા પછી, તમારે રજીસ્ટ્રેશન કરાવવું પડશે. તમે તમારા એટીએમને મેસેજ દ્વારા પણ ઓન-ઓફ કરાવી શકો છો. મેસેજ દ્વારા ઓન-ઓફ કરાવવા માટે તમારે 09223588888 પર એસએમએસ મોકલવો પડશે. આ મેસેજ મોકલવા માટે પણ એક ફોર્મેટ છે. એટીએમ ટ્રાન્જેક્શન સ્વીચ ઓન કરવા માટે તમારે SWONATM કાર્ડના છેલ્લા 4 નંબર્સ નાખી 09223588888 પર મેસેજ મોકલવો પડશે. તમારે સ્વીચ ઑફ કરવા માટે SWOFFATM< space> કાર્ડના અંતિમ 4 ડિજિટની સાથે મેસેજ મોકલવો પડશે.

English summary

State Bank Of India new On and Off ATM Card reduced Risk of theft Hack