ફેસબુક, ઈન્સ્ટાગ્રામ પ્રોબ્લેમ આપી રહ્યું છે, હજારો લોકોએ બગ હોવાની ફરિયાદ કરી

જો તમારા સ્માર્ટફોનમાં ફેસબુક અને ઈન્સ્ટાગ્રામ વાપરવામાં તમે તકલીફ અનુભવી રહ્યા હોય તો તમે અકેલા નથી. અગાઉ બુધવારે દુનિયાભરમાંથી હજારો લોકોએ આ એપમાં બગ હોવાનું રિપોર્ટ કર્યું. ઓનલાઈન આઉટેઝીસ અને બગનો રિયલ ટાઈમ ઓવરવ્યૂ ઑફર કરતી વેબસાઈટ DownDetector મુજબ બુધવારે 8.45 વાગ્યે હજારો ઈન્સ્ટાગ્રામના યૂઝર્સે એપ વાપરવામાં તકલીફ થતી હોવાની ફરિયાદન નોંધાવી હતી.

જણાવી દઈએ કે અમેરિકાના નોર્થ-ઈસ્ટ વિસ્તાર, લંડન અને બર્લિનના કેટલાય યૂઝર્સે ફોટો શેરિંગ એપમાં સમસ્યા હોવાની ફરિયાદ કરી. ઉપરાંત ફ્લોરિડા, જ્યોર્જિયા અને સાઉથ આફ્રિકાના કેટલાક ભાગમાં પણ યૂઝર્સે આવી ફરિયાદો કરી હોવાની માહિતી મળી છે.

અગાઉ ફેસબુક વાપરવામાં પણ પ્રોબ્લમ થવા લાગ્યો હતો. જણાવી દઈએ કે ઈન્સ્ટાગ્રામ ફેસબુકની જ પ્રોડક્ટ છે. યૂરોપ અને અમેરિકામાં વહેલી સવારે 8.4 વાગ્યે ડાઉનડિટેક્ટરમાં 1500 જેટલા આઉટેજીસ રિપોર્ટ થયા હતા. આ મામલે ફેસબુકે કોઈ કોમેન્ટ નથી આપી. ડાઉનડેક્ટરની વેબસાઈટની નીચે યૂઝર્સે એપ વાપરવામાં થતી સમસ્યાને લઈ કોમેન્ટોનો ઢગલો કરી દીધો હતો. એક યૂઝરે કહ્યું કે અવારનવાર ઈન્સ્ટાગ્રામ ક્રેશિંગ અને બગી થઈ જાય છે જેનાથી શું અમારે આચ્છર્ય ચકિત થવાની જરૂર છે? માત્ર ઈન્સ્ટાગ્રામ જ નહિ બલકે ફેસબુક અને વૉટ્સએપ યૂઝર્સે પણ એપમાં બગ હોવાનું રિપોર્ટ કર્યું છે અને એપ વારંવાર ક્રેશ થઈ જતી હોવાનું જણાવ્યું છે.

English summary

thousands of users complaining that facebook and instagram being buggy and crashing