UPI : UPI નિયમોમાં મોટા ફેરફાર, જાણો તમને કેવી રીતે અસર કરશે?
UPI પેમેન્ટ માટેના નિયમોમાં આરબીઆઈ સમયે સમયે ફેરફાર કરતી રહે છે. હવે આવા જ કેટલાક ફેરફારો હાલમાં આરબીઆઈએ કર્યા છે.
યુનિફાઈડ પેમેન્ટ ઈન્ટરફેસ એટલે કે UPI રોજિંદા જીવનનો એક ભાગ બની ગયું છે. આનો શ્રેય Paytm, PhonePe અને Amazonને જાય છે.
જો કે, યુઝર્સે ઘણીવાર બજારમાં ઉપલબ્ધ આ વોલેટ્સની મર્યાદાઓમાંથી એક વિશે ફરિયાદ કરી છે. તમે પ્રીપેડ પેમેન્ટ ઇન્સ્ટ્રુમેન્ટ (PPI) ઇશ્યુઅર દ્વારા પૂરી પાડવામાં આવેલ વેબ અથવા મોબાઇલ એપ્લિકેશન દ્વારા જ UPI વ્યવહારો કરવા માટે વૉલેટમાં સંગ્રહિત તમારા નાણાંનો ઉપયોગ કરી શકો છો.
જેમ કે જો તમે PhonePe વૉલેટનો ઉપયોગ કરી રહ્યાં છો તો તમારે PhonePe દ્વારા પેમેન્ટ કરવા માટે વૉલેટ મનીનો ઉપયોગ કરવો પડશે. તમે કોઈપણ અન્ય થર્ડ પાર્ટી UPI એપ્લિકેશન દ્વારા ચૂકવણી કરવા માટે તમારા વૉલેટ મનીનો ઉપયોગ કરી શકતા નથી. સમાન મર્યાદા પ્રીપેડ કાર્ડ પર પણ લાગુ પડે છે.
આ સમસ્યાને ઉકેલવા ભારતીય રિઝર્વ બેંકે પ્રીપેડ પેમેન્ટ ઇન્સ્ટ્રુમેન્ટ્સને થર્ડ-પાર્ટી UPI એપ્લિકેશન્સ સાથે લિંક કરવાની મંજૂરી આપવાનો પ્રસ્તાવ મૂક્યો છે. આનાથી લાખો UPI ગ્રાહકો માટે પેમેન્ટ એક્સપિરિયન્સ બદલાઈ જશે.
પ્રીપેડ પેમેન્ટ ઇન્સ્ટ્રુમેન્ટ અથવા PPI એ એવુ ટુલ્સ છે જેનો ઉપયોગ તેનામાં સંગ્રહિત નાણાકીય મૂલ્ય સામે ચૂકવણી કરવા માટે થઈ શકે છે. આ વૉલેટ અથવા કાર્ડ્સ હોઈ શકે છે. તમે તેમાં એક નિશ્ચિત રકમ લોડ કરી શકો છો અને તેનો ઉપયોગ UPI દ્વારા ચુકવણી કરવા અથવા ઑનલાઇન વ્યવહારો માટે કરી શકો છો.
PPIs યુઝર્સના બેંક ખાતાથી સ્વતંત્ર રીતે કાર્ય કરે છે. જ્યારે તમે પેમેન્ટ કરવા માટે વૉલેટ અથવા કાર્ડ જેવા PPI નો ઉપયોગ કરો છો ત્યારે સંબંધિત પ્રીપેડ એકાઉન્ટમાંથી પૈસા કાપવામાં આવે છે.
Click it and Unblock the Notifications
Sign in with Google
