ફોર્બ્સની અમીરોની યાદીમાંથી વિજ્ય માલ્યા આઉટ

નવી દિલ્હી, 26 ઑક્ટોબર: પોતાના શોખ અને જીવનશૈલી માટે જાણીતા ભારતીય ઉદ્યોગપતિ વિજય માલ્યા ફોર્બ્સની અમીરોની યાદીમાંથી આઉટ થઇ ગયા છે. આ મુદ્દે તેમને પ્રતિક્રિયા આપતાં વિજય માલ્યાએ પોતાના ટ્વિટર એકાઉન્ટ પર લખ્યું છે કે હું ભગવાનનો આભારી છું કે હવે હું અમીરોની યાદીમાં નથી. હવે મારા મિત્રો ઓછા હશે અને દુશ્મન પણ ઓછા હશે. મારાથી ઇર્ષ્યા કરનારાઓની સંખ્યામાં પણ ઘટાડો થશે.

ઉલ્લેખનીય છે કે વિજય માલ્યાની કંપની હમણાં ભારે આર્થિક નુકસાનનો સામનો કરી રહી છે. તેમની એરલાઇન્સ કિંગફિશર નુકસાનમાં જતી હોવાથી તે પોતાના કર્મચારીઓને પગાર ચૂકવી શકતા નથી. જેના કારણે પાયલોટ અને એન્જીનિયર હડતાળ પર ઉતરી ગયા હતા. સંપત્તિમાં ઘટાડો નોંધાતા ફોર્બ્સની અમીરોની યાદીમાં વિજય માલ્યા 73મા સ્થાને પહોંચી ગયા છે.

જો કે ભારતના સૌથી અમીરોની યાદીમાં મુકેશ અંબાણી પ્રથમ સ્થાને છે. પરંતુ તેમની સંપત્તિમાં પણ ઘટાડો નોંધાયો છે. સ્ટીલ કિંગ લક્ષ્મી મિત્તલ બીજા સ્થાને છે. જ્યારે આઇટી દિગ્ગજ અજીજ પ્રેમજી ત્રીજા સ્થાને છે.

વિજય માલ્યાની સંપત્તિ આ વર્ષે ઘટીને 80 કરોડ ડોલર થઇ ગઇ છે. ગત વર્ષે આ ફોર્બ્સ યાદીમાં વિજય માલ્યા 49મા સ્થાને હતા.

English summary

Liquor baron Vijay Mallya, often referred to as 'King of good times', has lost his billionaire tag as "bad times" in his aviation business.