તમે પણ ધનવાન બની શકો છો, બસ આટલું કામ કરો
દરેક વ્યકિત પૈસાદાર બનવા માંગતી હોય છે. ખરેખર જોઈએ તો પૈસાદાર બનવું અઘરું નથી. જો આજે તમારી કમાણી ઓછી છે, તો કાલે તેમાં વધારો થશે
દરેક વ્યકિત પૈસાદાર બનવા માંગતી હોય છે. ખરેખર જોઈએ તો પૈસાદાર બનવું અઘરું નથી. જો આજે તમારી કમાણી ઓછી છે, તો કાલે તેમાં વધારો થશે. વાસ્તવમાં પૈસાદાર બનવા માટે તમારે એક સ્ટ્રેટેજી અને સારા એપ્રોચની જરૂર છે. આ માટે જરૂર છે પૈસાથી પૈસા બનાવવાની ખાસ ટ્રિક અપનાવવાની. જો તમે પૈસાદાર બનવા માંગો છો તો આજથી જ તે માટેના પ્રયત્નો શરૂ કરી દો, જેથી ભવિષ્યમાં આવનાર આર્થિક સંકટનો સામનો તમે સરળતાથી કરી શકો.
રિસ્ક લેવાથી ડરશો નહિં
પૈસાદાર બનવા માટે તમારે સૌથી પહેલા રિસ્ક લેવું પડશે. એટલે કે પૈસાદાર બનવા માટે તમારે તમારા પૈસા મોટો નફો આપનારી જગ્યાએ રોકવા પડશે. નવા બિઝનસ આઈડિયામાં સાથે ભવિષ્યમાં મોટો સ્કોપ હોય તેવી જગ્યાએ પૈસાનું રોકાણ કરવું પડશે. જો કે અનુભવીઓના કહેવા પ્રમાણે આવી જગ્યાએ પૈસા ડૂબી જવાની શક્યતા વધુ હોય છે પણ જો બિઝનસ ઉપડી જાય તો સારો નફો થઈ શકે છે.
શૅર માર્કેટમાં રોકાણ કરતા પહેલા જાણી લો આ વાતો
ઉતાવળા ન થશો
પૈસાનું રોકાણ કરતી વખતે તમારે ઉતાવળ કરવી નહિં. અનેક અમીરોના કિસ્સામાં તમે જોયું હશે કે તેમણે આખો બિઝનસ વહેંચી દીધો હશે પણ તેઓ પૈસા ખર્ચવામાં ઉતાવળ કરતા નથી અને સાચવી સાચવીને પૈસા ખર્ચે છે. તેમણે ધૈર્ય રાખ્યુ છે અને સુઝબુઝ સાથે પૈસાનું રોકાણ કર્યુ છે જેથી આગળ ચાલીને આવા લોકો જ સફળ થયા છે.
પૈસા ખર્ચશો નહિં, પણ ઈન્વેસ્ટ કરો
મોટાભાગના પૈસાદાર લોકો પૈસા ખર્ચતા નથી પણ તેનું ઈન્વેસ્ટમેન્ટ કરે છે. જ્યારે સામાન્ય લોકો પૈસાથી લક્ઝરી ચીજોની ખરીદી કરે છે. પૈસા ત્યાં ખર્ચાવા જોઈએ જ્યાં તમને તેનું રિટર્ન મળવાનું હોય. જ્યાં રિટર્ન મળવાનું હોય તેવી જ જગ્યાએ તમારા પૈસા લગાવો.
રોકાણનો સ્કોપ વધારો
પૈસાદાર બનવા માટે રોકાણ કોઈ એક જગ્યાએ ન લગાવવા જોઈએ. તમારી નજર હંમેશા નવા નવા કારોબાર પર હોવી જોઈએ. આ રીતે તમારા ઈન્વેસ્ટમેન્ટમાં સ્કોપ વધશે. જેટલી અલગ અલગ જગ્યાઓ પર પૈસા રોકવામાં આવશે, તેટલો જ નફો થવાનો સ્કોપ વધી જાય છે.
પ્રોપર્ટી ઈન્વેસ્ટમેન્ટ સારો સ્કોપ
તમે પ્રોપર્ટીમાં રોકાણ કરીને પણ પૈસાદાર બની શકો છો. તે માટે ખાસ પ્રકારની પ્રોપર્ટીમાં રોકાણ કરો. જેમકે, કોમર્શિયલ સંપતિમાં પૈસા લગાવો. આવી પ્રોપર્ટીમાં લાંબા ગાળે તમને સારુ રિટર્ન મળે છે. સાથે જ જુદા જુદા શહેરમાં અલગ અલગ ભાગોમાં બે-ત્રણ ઘર ખરીદવામાં આવે તો તેમાં લાંબાગાળે સારો નફો મળે છે. આ રીતે રોકાણ કરી તમે સારા પૈસા કમાઈ શકો છો.
પૈસાનું મહત્વ સમજો
સામાન્ય રીતે જોવા મળ્યુ છે કે, પૈસા આવતા લોકો તેને વેડફવાનું શરૂ કરી દે છે, પોતાની મોજ-શોખની વસ્તુઓ ખરીદે છે. જે ખોટી રીત છે. પૈસાને લઈ તમારો એપ્રોચ બદલો. તમારા પૈસાનો એક ટૂલની જેમ ઉપયોગ કરો. જેથી તમે પોતે આર્થિક રીતે મજબૂત બનશો. તમારી આર્થિક સ્થિતિ બદલાશે.