Fact Check : બંગાળમાં ભગવા ધ્વજ સાથે બાઇક રેલી પર હુમલો થયો? જાણો શું છે હકીકત

Published: Thursday, May 2, 2024, 12:19 [IST]

Lok sabha Election 2024: આ વર્ષે એપ્રિલમાં પશ્ચિમ બંગાળના મુર્શિદાબાદમાં રામ નવમીની શોભાયાત્રા દરમિયાન બે સાંપ્રદાયિક જૂથો વચ્ચે અથડામણ થઈ હતી. આ ઘટના ત્યારે બની જ્યારે શક્તિપુર વિસ્તારમાં શોભાયાત્રા પર અન્ય જૂથ દ્વારા કથિત રીતે પથ્થરમારો કરવામાં આવ્યો હતો.

આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે, જેમાં કેટલાક લોકો દ્વારા ભગવા ધ્વજવાળી અનેક મોટરસાઈકલ અને અન્ય સંપત્તિને નુકસાન પહોંચાડતા જોઈ શકાય છે. હવે લોકો કહી રહ્યા છે કે, આ વીડિયો પશ્ચિમ બંગાળનો છે.

આ વીડિયો શેર કરતાં એક એક્સ યુઝરે લખ્યું, તમે ભગવા ધ્વજ સાથે બંગાળમાં રેલી પણ કરી શકતા નથી. જુઓ કેવા ગુંડાઓની ભીડ છે. જાણે બંગાળ હવે બંગાળ નથી રહ્યું, બાંગ્લાદેશ બની ગયું છે.

આ વીડિયો અંગે ફેક્ટ ચેક કરતા સાચી હકીકતો સામે આવી હતી. ફેક્ટ ચેકમાં જાણવા મળ્યું કે, વાયરલ થઇ રહેલો આ વીડિયો પશ્ચિમ બંગાળનો નથી, પરંતુ ઓડિશાના સંબલપુરમાં બનેલી એક વર્ષ જૂની ઘટનાનો છે.

વાયરલ વીડિયોની કીફ્રેમને ઉલટાવીને એપ્રિલ 2023 ના ઘણા મીડિયા રિપોર્ટ્સ મળ્યા હતા. OneIndia હિન્દીના અહેવાલ મુજબ, આ ઘટના, ત્યારે બની જ્યારે 12 એપ્રિલ, 2023ના રોજ ઓડિશાના સંબલપુરમાં હિન્દુ સંગઠનો દ્વારા હનુમાન જયંતિ અને મહા વિશુવ સંક્રાંતિના અવસર પર બાઇક રેલી કાઢવામાં આવી હતી.

જ્યારે રેલી ભૂડાપરા અને સુનાપાલીના વિસ્તારોમાંથી પસાર થઈ, ત્યારે કેટલાક લોકોએ તેના પર પથ્થરમારો કર્યો, ત્યારબાદ બે સાંપ્રદાયિક જૂથો વચ્ચે હિંસા ફાટી નીકળી અને હિંસામાં 10 પોલીસકર્મીઓ સહિત ઘણા લોકો ઘાયલ થયા હતા.

આ ઘટના પર એપ્રિલ 2023 નો ઇન્ડિયા ટુડે રિપોર્ટમાં જણાવ્યા અનુસાર, આ વાયરલ વીડિયોની કીફ્રેમ જોઈ શકાય છે. રિપોર્ટ અનુસાર રેલી દરમિયાન ફાટી નીકળેલી હિંસા બાદ પ્રશાસન દ્વારા પરિસ્થિતિને કાબૂમાં લેવા માટે વિસ્તારમાં કલમ 144 લાગુ કરવામાં આવી હતી, અને 32 લોકોની ધરપકડ પણ કરવામાં આવી હતી.

જ્યારે કીવર્ડ્સની મદદથી યુટ્યુબ પર વાયરલ વીડિયોને સર્ચ કર્યો, ત્યારે આ ઘટના પર મોજો સ્ટોરી ન્યૂઝ ચેનલનો વીડિયો રિપોર્ટ મળ્યો હતો. આ રિપોર્ટમાં પણ આ વીડિયો ઓડિશાના સંબલપુરનો હોવાનું જણાવવામાં આવ્યું છે.

આ સ્પષ્ટ છે કે, ઓડિશાના સંબલપુરમાં એક બાઇક રેલીમાં પથ્થરમારાની એક વર્ષ જૂની ઘટનાનો આ વીડિયો છે. જેને પશ્ચિમ બંગાળની ઘટનાનો વીડિયો તરીકે ફેલાવવામાં આવી રહી છે.

भगवा झंडे के साथ आप बंगाल में रैली भी नहीं कर सकते है 😳

देखिए कैसी गुंडा गर्दी है बंगाल में 😡

बंगाल ना हुआ बांग्लादेश हो गया हो जैसे 😡

pic.twitter.com/PdDCaVprbv
— Dr. Sudhanshu Trivedi Satire (@Sudanshutrivedi) May 1, 2024