સ્વામી વિવેકાનંદ સાથે લગ્ન કરવા ઈચ્છતી હતી એક વિદેશી મહિલા, જાણો શું મળ્યો જવાબ

સ્વામી વિવેકાનંદ સાથે જોડાયેલી ઘણી બધી વાતો છે જે વ્યક્તિને આજે પણ જીવનમમાં સકારાત્મક રીતે આગળ વધવાની પ્રેરણા આપે છે. આવી જ એક કહાનીનો ઉલ્લેખ આજે અમે આપની સાથે કરીએ છીએ.

Published: Friday, January 10, 2020, 9:53 [IST]

12 જાન્યુઆરીના રોજ સમગ્ર ભારતમાં સ્વામી વિવેકાનંદનો જન્મ દિવસ મનાવવામાં આવે છે. સ્વામી વિવેકાનંદ જ્ઞાન, સાહસ અને ત્યાગની સાક્ષાત મૂર્તિ હતા. તેમની સાથે જોડાયેલી ઘણી બધી વાતો છે જે વ્યક્તિને આજે પણ જીવનમાં સકારાત્મક રીતે આગળ વધવાની પ્રેરણા આપે છે. આવી જ એક કહાનીનો ઉલ્લેખ આજે અમે આપની સાથે કરીએ છીએ.

વિદેશી મહિલા વિવેકાનંદથી પ્રભાવિત થઈ

સ્વામી વિવેકાનંદ અને વિદેશી મહિલાની કહાની એ સમયની છે જ્યારે સ્વામી વિવેકાનંદની ખ્યાતિ દુનિયાભરમાં ફેલાઈ ચૂકી હતી. લાખો લોકો સ્વામીજીના અનુયાયી બની ચૂક્યા હતા જેમાં વિદેશીઓ પણ શામેલ હતા. એક વાર એક વિદેશી મહિલા વિવેકાનંદથી પ્રભાવિત થઈને તેમને મળવા આવી, તેણે સ્વામીને કહ્યુ કે તે એમને કંઈક કહેવા ઈચ્છે છે.

'તમારી સાથે લગ્ન કરવા ઈચ્છુ છુ'

સ્વામી વિવેકાનંદે કહ્યુ, હા કહો ને, ત્યારે એ મહિલાએ કહ્યુ કે સ્વામી વિવેકાનંદ, હું તમારાથી ખૂબ જ પ્રભાવિત છુ, માટે તમારી સાથે લગ્ન કરવા ઈચ્છુ છુ, જેને સાંભળીને સ્વામી વિવેકાનંદ બોલ્યા - કેમ? હે દેવી હું તો બ્રહ્મચારી પુરુષ છુ, ત્યારે એ મહિલાએ કહ્યુ કે મને તમારા જેવો તેજસ્વી પુત્ર જોઈએ જેથી તે મોટો થઈને દુનિયાને જ્ઞાન વહેંચી શકે અને મારુ નામ રોશન કરે.

સ્વામી વિવેકાનંદે વિદેશી મહિલાને કહ્યુ - મા...

જેને સાંભળતા જ સ્વામી વિવેકાનંદે એ મહિલા તરફ હાથ જોડીને કહ્યુ કે મા... લો દેવી, હું આજે આપને પોતાની મા માનુ છુ, તમને મારા જેવો પુત્ર પણ મળી ગયો અને મારુ બ્રહ્મચર્ય પણ નહિ તૂટે, આટલુ સાંભળતા જ એ મહિલા સ્વામી વિવેકાનંદના ચરણોમાં પડી ગઈ અને બોલી કે યુવાનો માટે તમે ખરેખર પ્રેરણના સ્ત્રોત છો, તમારા જેવા લોકો ધરતી પર વિરલ જ પેદા થાવ છો, તમે ખરેખર મહાન છો.

Published On January 10, 2020