ભારત સિવાય આ દેશોમાં પણ દિવાળીની ધામધુમથી ઉજવણી થાય છે, જુઓ પુરૂ લિસ્ટ

ભારતમાં હાલ દિવાળીની ધામધુમથી ઉજવણી કરવામાં આવી રહી છે. જો કે તમને જાણીને નવાઈ લાગશે કે માત્ર ભારતમાં જ નહીં દુનિયાના ઘણા દેશોમાં દિવાળીની ધામધુમથી ઉજવણી થાય છે.

ભારતની જેમ પાડોશી દેશ શ્રીલંકામાં પણ દિવાળીની ઘરમાં માટીના દીવા પ્રગટાવીને ઉજવણી કરવામાં આ છે. આ પરંપરા પાછળ કોઈ કહાની તો નથી પરંતુ અહીં પણ પહેલા દીવા પ્રગટાવવામાં આવે છે. આ પછી બધા સાથે મળીને ભોજન કરે છે.

દક્ષિણ એશિયામાં ચીન અને તાઈવાનમાં દિવાળીની જેમ રોશનીનો તહેવાર ઉજવવામાં આવે છે, અહીં તે લૈટર્ન ફેસ્ટિવલ તરીકે ઉજવવામાં આવે છે. આ તહેવારમાં દીવાને બદલે તુક્કલ હવામાં ઉડતા જોવા મળે છે. કહેવાય છે કે શરૂઆતના સમયમાં આકાશમાં ઉડતા તુક્કલને શહેરની સુરક્ષાની નિશાની માનવામાં આવતી હતી. પાછળથી આ પરંપરા તહેવાર બની ગઈ.

મલેશિયામાં દિવાળીને હરી દિવાળી તરીકે ઉજવવામાં આવે છે. અહીં લોકો તેલ અને પાણીથી સ્નાન કરે છે અને પછી દેવી-દેવતાઓની પૂજા કરે છે. ભારતની જેમ આ દેશમાં પણ દિવાળી મેળાઓનું આયોજન કરવામાં આવે છે.

થાઈલેન્ડમાં ઉજવાતા દિવાળી જેવા તહેવારને ક્રિઓંધ કહેવામાં આવે છે. આ દિવસે કેળાના પાનમાંથી સુંદર દીવા બનાવવામાં આવે છે અને તેમાં ધૂપ મૂકીને પ્રગટાવવામાં આવે છે. આ દીવાઓને કેટલાક પૈસા સાથે નદીમાં વહેવડાવી દેવામાં આવે છે. નદીમાં દીવા પ્રગટાવવાનો આ તહેવાર ખૂબ જ સુંદર નજારો સર્જે છે.

કેનેડામાં દર વર્ષે 5 નવેમ્બરે દિવાળી ઉજવાય છે. ભારતની જેમ ત્યાં પણ દીવા પ્રગટાવવામાં આવે છે અને ફટાકડા ફોડવામાં આવે છે. આ તહેવાર ખાસ કરીને ન્યુફાઉન્ડ લેન્ડમાં ઉજવવામાં આવે છે.

ફ્રાન્સમાં દર વર્ષે 8 ડિસેમ્બરે પ્રકાશનો તહેવાર ઉજવવામાં આવે છે. આ તહેવાર ઈસુ ખ્રિસ્તની માતા મેરીનો આભાર માનવા માટે ઉજવવામાં આવે છે. લોકો 4 દિવસ સુધી તેમના ઘરની સામે મીણબત્તીઓ પ્રગટાવે છે.

હનુક્કાહની યહૂદી લોકો ઉજવણી કરે છે. આ પણ દિવાળી જેવો પ્રકાશનો તહેવાર છે. આમાં 8 દિવસ અને રાત સુધી મીણબત્તીઓ પ્રગટાવવામાં આવે છે. આ તહેવાર નવેમ્બરના અંતથી ડિસેમ્બર સુધી ચાલે છે. તહેવાર 8 મીણબત્તીઓ સાથે શરૂ થાય છે અને મીણબત્તીઓની સંખ્યા જેમ જેમ દિવસ આગળ વધે તેમ વધતી રહે છે.

English summary

Apart from India, Diwali is also celebrated in these countries, see the complete list