Doomsday Fish : પ્રયય પહેલાં જ પાણીમાંથી બહાર આવે છે ડૂમ્સડે ફિશ? જાણો કેમ દુનિયાભરમાં ચર્ચામાં છે?

Doomsday Fish : પ્રકૃતિના રહસ્યોમાંથી એક રહસ્ય ડૂમ્સડે ફિશ એટલે કે પ્રલયની માછલી છે. આ માછલીને વૈજ્ઞાનિક ભાષામાં રેગાલેકસ ગ્લેસ્ને (Regalecus glesne) તરીકે ઓળખવામાં આવે છે.

આ દુનિયાની સૌથી લાંબી હાડકાવાળી માછલીઓમાંથી એક છે. તેની લંબાઈ 11 મીટર સુધી હોઈ શકે છે અને તે ઊંડા સમુદ્રમાં રહે છે.

આ માછલી સાથે એક રસપ્રદ માન્યતા જોડાયેલી છે. કહેવાય છે કે જ્યારે આ માછલી પાણીમાંથી બહાર આવે છે, ત્યારે તે પ્રલય અથવા પ્રાકૃતિક આપત્તિના સંકેત હોય છે.

અહીં તમને સવાલ થતો હશે કે ડૂમ્સડે ફિશનો અચાનક ઉલ્લેખ શા માટે કરવામાં આવી રહ્યો છે. જણાવી દઈએ કે, હાલમાં જ સોશિયલ મીડિયા પર એક વીડિયો શેર થઈ રહ્યો છે. જેમાં એવું જોવા મળે છે કે એટલાન્ટિક મહાસાગરમાં કેનેરી ટાપુઓને અડીને આવેલા કિનારે એક માછલી ધોવાઈને આવી છે, જેને લોકો દુર્લભ ડુમ્સડે ફિશ ગણાવી રહ્યાં છે.

કહેવામાં આવી રહ્યું છે કે ઊંડા પાણીમાં રહેતી આ માછલી સ્પેનના લાસ પાલમાસના કિનારે આવીને યાતનામાં મૃત્યુ પામી છે. ત્યારથી આ વિસ્તારમાં કોઈ મોટી અનિચ્છનીય ઘટનાનો ભય લોકોમાં છે.

ડૂમ્સડે ફિશ સાથે જોડાયેલી માન્યતા
ડૂમ્સડે ફિશને અપશુકનની માછલી અથવા પ્રલયની માછલી કહેવામાં આવે છે. જાપાની સંસ્કૃતિમાં તેને ર્યુગુ નો ત્સુકાઈ (Ryugu no tsukai) કહેવામાં આવે છે, જેનો અર્થ છે સમુદ્ર દેવતાનો સંદેશવાહક.

માન્યતા છે કે જ્યારે આ માછલી ઊંડા સમુદ્રમાંથી ઉપર આવે છે અને કિનારે દેખાય છે ત્યારે તે ધરતીકંપ, સુનામી અથવા કોઈ મોટી પ્રાકૃતિક આપત્તિની સૂચના આપે છે. આ મિથક ઘણા એશિયાઈ દેશોમાં પ્રચલિત છે. ખાસ કરીને જાપાન અને ફિલિપાઈન્સમાં સૌથી વધારે પ્રચલિત છે.

શું કહે છે સાયન્સ?
વૈજ્ઞાનિકોના મતે ડૂમ્સડે ફિશ ઊંડા સમુદ્રમાં રહેતી માછલી છે અને તે સામાન્ય રીતે સમુદ્રની સપાટી પર આવતી નથી. જો કે, ક્યારેક આ માછલી બીમાર થવાના કારણે અથવા સમુદ્રી ધારાઓના કારણે કિનારે આવી જાય છે. આનો પ્રાકૃતિક આપત્તિઓ સાથે કોઈ સીધો સંબંધ નથી.

જો કે કેટલાક વૈજ્ઞાનિકોએ આ મિથકને સંપૂર્ણ રીતે નકાર્યું પણ નથી. તેમનું માનવું છે કે ઊંડા સમુદ્રમાં આવતા ધરતીકંપ અથવા સમુદ્ર તળિયામાં થતા ફેરફારથી આ માછલી પ્રભાવિત થઈ શકે છે અને ઉપર આવી શકે છે. જો કે, આનો અર્થ એ નથી કે આ માછલી આપત્તિની આગાહી કરી શકે છે. આ માત્ર એક સંયોગ હોઈ શકે છે.

માછલી પર થયેલા રિસર્ચ
2011માં જાપાનમાં આવેલા ભયાનક ધરતીકંપ અને સુનામી પહેલાં ઘણી ડૂમ્સડે ફિશ કિનારે જોવા મળી હતી. આ ઘટનાએ માન્યતાને વધુ મજબૂત બનાવી.

A deep-sea creature rarely seen by humans called the oarfish has washed ashore in Mexico!

It is believed that this mysterious “doomsday fish” only emerges from the ocean’s depths when disaster is near 👀 pic.twitter.com/h29hw9sb8e

— Nature is Amazing ☘️ (@AMAZlNGNATURE) February 19, 2025

જો કે, વૈજ્ઞાનિકોનું કહેવું છે કે આવા સંયોગોને વૈજ્ઞાનિક પુરાવા તરીકે ગણી શકાય નહીં. ધરતીકંપ અને સુનામી જેવી ઘટનાઓ પ્લેટ ટેક્ટોનિક્સ અને અન્ય ભૂગર્ભીય પરિબળોથી જોડાયેલી હોય છે, માછલીઓના વર્તનથી નહીં.

ડૂમ્સડે ફિશનો ત્રાસદી સાથે જોડાયેલો મિથક રસપ્રદ છે,પરંતુ વિજ્ઞાન તેની પુષ્ટિ કરતું નથી. આ માછલી ઊંડા સમુદ્રમાં રહે છે અને ક્યારેક જ કિનારે આવે છે. આનો પ્રાકૃતિક આપત્તિઓ સાથે કોઈ સીધો સંબંધ નથી.

English summary

Does the Doomsday Fish Predict Natural Disasters? What Science Says