Golden passport : શું હોય છે ગોલ્ડન પાસપોર્ટ? જાણો કોને કોને મળે?

Golden passport : છેલ્લા કેટલાક દિવસોથી દુનિયાભરમાં ગોલ્ડન પાસપોર્ટની ખુબ ચર્ચા છે. આઈપીએલના પૂર્વ અધ્યક્ષ લલિત મોદીએ ભારતીય પાસપોર્ટ સરેન્ડર કરીને વાનુઆતુની નાગરિકતા મેળવી છે.

આ સાથે તેમણે ગોલ્ડન પાસપોર્ટ મેળવ્યો છે, જે તેને 113 દેશોમાં વિઝા ફ્રી પ્રવેશ આપશે. અહીં તમને સવાલ થાય કે આખરે આ ગોલ્ડન પાસપોર્ટ છે શું?

ગોલ્ડન પાસપોર્ટ એ સિટીઝનશિપ બાય ઇન્વેસ્ટમેન્ટ (CBI) હેઠળ આપવામાં આવતો એક વિશિષ્ટ પાસપોર્ટ છે. ઘણા દેશો તેના દેશમાં રોકાણના આધારે નાગરિકતા પ્રદાન કરે છે.

આ કાર્યક્રમ દ્વારા કોઈપણ વ્યક્તિ રોકાણ કરીને તે દેશનો નાગરિક બની શકે છે અને તેની તમામ સુવિધાઓનો લાભ લઈ શકે છે.

ગોલ્ડન પાસપોર્ટ કઈ રીતે મેળવી શકાય?

• વ્યક્તિએ ચોક્કસ દેશના નાગરિકતા કાર્યક્રમ હેઠળ નક્કી કરેલ મૂડીરોકાણ કરવું પડે છે.
• કેટલાક દેશોમાં મિલકત ખરીદી, સરકારને દાન, અથવા સ્થાનિક વ્યવસાયમાં રોકાણ કરવું પડે છે.
• દરેક દેશના અલગ અલગ નિયમો અને રોકાણની જરૂરીયાતો હોય છે.

આ દેશો ગોલ્ડન પાસપોર્ટ આપે છે
આજના સમયમાં આશરે 20 દેશ ગોલ્ડન પાસપોર્ટ પ્રદાન કરે છે. કેટલાક પ્રખ્યાત દેશો અને તેમની નાગરિકતા મેળવવા માટે ખાસ શરતો રાખે છે.

• વનુઆતુ: 1.18 કરોડથી 1.35 કરોડ રૂપિયા રોકાણ
• માલ્ટા: 5.4 કરોડ રૂપિયાનું રોકાણ જરૂરી
• ડોમિનિકા અને સેન્ટ લુસિયા: 83 લાખ રૂપિયામાં નાગરિકતા
• તુર્કી: 3.3 કરોડ રૂપિયાનું રોકાણ
• ઑસ્ટ્રિયા: કોઈ નક્કી થયેલું રોકાણ પરિમાણ નથી

ગોલ્ડન પાસપોર્ટની વિશેષતા

• ગોલ્ડન પાસપોર્ટ ધરાવતા નાગરિકોને 180 સુધીના દેશોમાં વિઝા ફ્રી અથવા ઇઝી વિઝા એક્સેસ મળે છે.
• કેટલાક દેશો ટેક્સ હેવન તરીકે જાણીતાં છે, જેથી નાગરિકોને ટેક્સ ફાયદા મળે છે.
• ઉદ્યોગપતિઓ માટે વૈશ્વિક વ્યવસાય વિસ્તારવામાં સહાય થાય છે.
• વિવિધ દેશોમાં વ્યવસાય અને રોકાણના નવા અવસર ઊભા થાય છે.

કોણ આ પાસપોર્ટ મેળવવા માટે યોગ્ય છે?

• મોટા ઉદ્યોગપતિઓ અને રોકાણકારો
• વિદેશમાં સ્થાયી થવા ઈચ્છતા વ્યક્તિઓ
• ઓછા ટેક્સ લાભો મેળવવા માંગતા વ્યક્તિઓ
• વૈશ્વિક ધોરણે બિઝનેસ એક્સપાન્ડ કરવા માંગતા ઉદ્યોગપતિઓ

ગોલ્ડન પાસપોર્ટ એ એવી વ્યવસ્થા છે જેનાથી લોકો નાગરિકતા મેળવી શકે છે અને વૈશ્વિક સ્તરે ઘણા લાભો મેળવી શકે છે. જો કે, દરેક દેશમાં અલગ નિયમો છે, તેથી નાગરિકતા મેળવતા પહેલા સંપૂર્ણ માહિતી લેવી જરૂરી છે. લલિત મોદીનું ઉદાહરણ એ દર્શાવે છે કે ઘણા ઉદ્યોગપતિઓ આ તકનો ઉપયોગ કરી રહ્યા છે.

English summary

What is a Golden Passport? Who Can Get It?