Teachers day 2024: 3 IAS અધિકારી, જે નોકરી છોડીને બન્યા ટીચર, જાણો કોણ છે 56ની છાતીવાળા આ 3 વ્યક્તિ?

Teachers day 2024 IAS Story: તમે IAS ઓફિસર બનવા માટે લાખો રૂપિયાનું પેકેજ છોડવાની સક્સેસ સ્ટોરી તો સાંભળી અને વાંચી જ હશે, પરંતુ ટીચર્સ ડે 2024ના અવસર પર એવા ત્રણ લોકો વિશે જાણીએ, જેમણે એક સમયે UPSC ક્રેક કરી હતી અને IAS સહિત અન્ય સેવાઓના ઓફિસર હતા અને આજે શિક્ષક તરીકે અધ્યાપન.

એવું કહેવાય છે કે IAS જેવી ટોચની નોકરી છોડવા માટે જબરદસ્ત હિંમતની જરૂર પડે છે. આવી હિંમત રોમન સૈની, ગૌરવ કૌશલ અને વિકાસ દિવ્યકીર્તિએ બતાવી હતી. યુપીએસસી પાસ કર્યા બાદ ત્રણેયએ થોડો સમય સેવા આપી અને પછી નોકરી છોડી દીધી. રોમન સૈની IAS હતા જ્યારે ગૌરવ કૌશલ અને વિકાસ દિવ્યકીર્તિએ અન્ય સેવા કેડર મેળવ્યા હતા.

Roman Sainiએ પોતાના દોસ્ત સાથે મળીને શરુ કરી Unacademy

રોમન સૈનીનો જન્મ 27 જુલાઈ 1991ના રોજ રાજસ્થાનના કોટપુતલીના રાયકરણપુરા ગામમાં થયો હતો.

માત્ર 16 વર્ષની ઉંમરે તે એઈમ્સ જેવી પ્રતિષ્ઠિત સંસ્થાની પરીક્ષા પાસ કરીને એડમિશન લઈને ડૉક્ટર બની ગયા.

રોમન સૈની UPSC 2013માં 18મો રેન્ક મેળવીને IAS બન્યા હતા. તાલીમ પછી, તેઓ જબલપુરમાં સહાયક કલેક્ટર તરીકે મધ્ય પ્રદેશ કેડરમાં જોડાયા.

રોમન સૈનીએ ત્યારબાદ IAS છોડીને ડિસેમ્બર 2015માં તેના મિત્રો ગૌરવ મુંજાલ અને હિમેશ સિંહ સાથે અનએકેડમીનો પાયો નાખ્યો.

હજારો યુવાનો, ઓનલાઈન કોચિંગ ઈન્સ્ટીટ્યુટ અનએકેડેમી દ્વારા, યુપીએસસી માટે તૈયાર થયા અને રોમન સૈની જેવા આઈએએસ, આઈપીએસ અને અન્ય સેવા કેડરમાં ઓફિસર બન્યા.

ગૌરવ કૌશલે શરુ કરી યુટ્યુબ ચેનલ

હરિયાણાના પંચકુલામાં રહેતા ગૌરવ કૌશલે પણ રોમન સૈનીનો માર્ગ અપનાવ્યો. ગૌરવ કૌશલે વર્ષ 2012માં UPSC સિવિલ સર્વિસ પરીક્ષા પાસ કરી હતી.

ગૌરવ કૌશલ, જેણે અખિલ ભારતીય સ્તરે 38મો રેન્ક મેળવ્યો હતો, તે ભારતીય સંરક્ષણ મિલકત સેવા, UPSCની ગ્રુપ A સેવાના અધિકારી બન્યા.

IDES તરીકે ગૌરવ કૌશલની પ્રથમ પોસ્ટિંગ હિમાચલ પ્રદેશના કસૌલીમાં CEO (રક્ષા મંત્રાલય) તરીકે હતી. વર્ષ 2023માં ગૌરવ કૌશલે નોકરી છોડીને અનએકેડેમી જેવું શિક્ષણ પ્લેટફોર્મ શરૂ કર્યું. તે યુટ્યુબ પર ક્લાસ લે છે.

વિકાસ દિવ્યકીર્તિએ શરુ કરી કોંચિંગ સંસ્થા 'દ્રષ્ટિ આઈએએસ'

વિકાસ દિવ્યકીર્તિ દેશના જાણીતા શિક્ષકોમાંના એક છે. તેમની કોચિંગ સંસ્થા 'દ્રષ્ટિ IAS' યુપીએસસીની તૈયારી પૂરી પાડે છે.

23 વર્ષની ઉંમરે, તેમણે 1996માં યુનિયન પબ્લિક સર્વિસ કમિશન (UPSC)ની સિવિલ સર્વિસ પરીક્ષામાં પ્રથમ વખત પોતાનું નસીબ અજમાવ્યું.

અખિલ ભારતીય સ્તરે 384મો રેન્ક પ્રાપ્ત કર્યા પછી, તેમને ગૃહ મંત્રાલય કેડરમાં સેન્ટ્રલ સેક્રેટરીએટ સર્વિસ (CSS) માં નોકરી મળી.

તેમણે આઠ મહિના પછી રાજીનામું આપ્યું. વિકાસ દિવ્યકિતિ IAS બની શક્યા નથી. જો કે, દૃષ્ટિ IAS કોચિંગ ખોલીને હજારો યુવાનોને IAS બનાવ્યા છે.

English summary

Teachers day 2024: 3 IAS Roman Saini, Gaurav Kaushal and Vikas Divyakirti left their jobs to become teacher.