અમેરિકામાં આ વસ્તુઓ કચરામાં ફેકી તો જેલની હવા ખાવી પડી શકે છે, ભારતમાં ગમે ત્યાં ફેંકાય છે

અમેરિકા તેના કાયદાઓને લઈને દુનિયાભરમાં જાણીતું છે. અમેરિકામાં ઘણા એવા કાયદા છે જે આમ તો બહુ સામાન્ય છે પરંતુ તેને તોડ્યા તો જેલની હવા ખાવી પડી શકે છે.
ભારતમાં આપણે જે પણ વસ્તુ નકામી હોય તેને બિંદાસ્ત રીતે કચરા પેટીમાં ફેંકી દઈયે છે. પરતુ અમેરિકામાં એવુ નથી. ત્યાં ઘણી એવી વસ્તુઓને કચરામાં નાંખવા પર કડક પ્રતિબંધ છે.

તમને જાણીને નવાઈ લાગશે કે કેલિફોર્નિયામાં કચરાના નિકાલ માટે કાયદાઓ બનાવવામાં આવ્યા છે અને જો તેનું પાલન ન કરે તો લોકોને દંડ થાય છે ક્યારેક જેલ પણ જવું પડે છે.

બેટરી
રિમોટ, ઘડિયાળો, રમકડાં વગેરેમાં વપરાતી બેટરી કચરા પેટીમાં ન ફેંકવી જોઈએ. અમેરિકાના ન્યૂયોર્કમાં કચરામાં સિંગલ યુઝ બેટરી ફેંકવી ગેરકાયદેસર છે. પ્રથમ ગુના માટે 50 ડોલર દંડ અને 12 મહિનામાં બીજા ગુના માટે 100 ડોલરનો દંડ અને તે જ વર્ષમાં ત્રીજા ગુના માટે 200 ડોલરનો દંડ થઈ શકે છે.

ટીવી અથવા કોમ્પ્યુટર
પ્લાસ્ટિક, સર્કિટ, સર્કિટ બોર્ડ, કાચ, ધાતુ જેવી ઘણી બધી વસ્તુઓ તમારા જૂના ટીવી કે કોમ્પ્યુટરમાં હોય છે, જેના કારણે પર્યાવરણનો નાશ થઈ શકે છે. અમેરિકાના ઘણા રાજ્યોમાં આ બંને વસ્તુઓને કચરામાં ફેંકવાની મનાઈ છે. ભૂલ કરનાર વ્યક્તિને 100 ડોલર એટલે કે 8 હજાર રૂપિયા સુધીનો દંડ થઈ શકે છે.

સ્માર્ટફોન અથવા ટેબલેટ
જૂના સ્માર્ટફોન કે ટેબલેટનો કચરો દિવસે દિવસે વધી રહ્યો છે. તેમ રહેલા ઝેરી કે જ્વલનશીલ પદાર્થો પર્યાવરણને દૂષિત કરી શકે છે અને કેટલીક જગ્યાએ આગ પણ લાગી શકે છે. ઘણા અમેરિકન રાજ્યોમાં તેને કચરામાં ફેંકવા માટે 100 ડોલર સુધીનો દંડ થઈ શકે છે.

મોટર ઓઈલ
વાહનોમાં નાખવામાં આવતું તેલ એટલે કે મોટર ઓઈલ પર્યાવરણ માટે જોખમી છે. પ્રાણીઓની સાથે તે વૃક્ષો અને છોડને પણ નુકસાન પહોંચાડે છે. અમેરિકન કાયદા અનુસાર, જો કોઈ આ તેલને કચરામાં ફેંકે તો તેને 50 હજાર ડોલર નો દંડ અથવા 2 વર્ષની જેલ થઈ શકે છે.

માઇક્રોવેવ
ખોરાકને ગરમ કરવા માટે ઉપયોગમાં લેવાતા માઇક્રોવેવ ખૂબ જ ઉપયોગી છે, પરંતુ ઘણી જગ્યાએ તેને ઇ-વેસ્ટ ગણવામાં આવે છે. આને કચરામાં ફેંકવા બદલ 100 ડોલરનો દંડ ભરવો પડશે.

English summary

Throwing these things in the garbage in America can lead to jail time, in India they are thrown anywhere