Hymenoplasty Surgery : શું છે હાયમેનોપ્લાસ્ટી? જે સર્જરી કરાવીને યુવતીઓ ફરીથી વર્જીન બની શકે છે

What is Hymenoplasty Surgery : હાલ દુનિયાભરમાં 23 વર્ષની બ્રાઝિલિયન મોડલ અને ઈન્ફ્લૂએન્સરની ખુબ ચર્ચા થઈ રહી છે. આ મોડલ તેની વર્જીનીટી પાછી લાવવા માટે 16 લાખ રૂપિયા ખર્ચીને સર્જરી કરાવવા જઈ રહી છે.

બ્રાઝિલની 23 વર્ષની આ મોડલે વર્જિનિટી પાછી મેળવવા માટે હાઈમેનોપ્લાસ્ટી કરાવવાનું નક્કી કર્યું છે. આને વર્જિનિટી રિસ્ટોરેશન સર્જરી પણ કહેવાય છે.

આ બ્રાઝિલિયન મોડલ જૈમને કહ્યું કે, આ સર્જરી ખર્ચાળ અને જોખમી છે, પરંતુ તે તેના માટે 19 હજાર ડોલર ખર્ચવા તૈયાર છે. આ સર્જરી તેના અંગત અને વ્યાવસાયિક જીવનમાં એક નવી શરૂઆત હશે. તેના નિર્ણય બાદ લોકો તેને સોશિયલ મીડિયા પર ખૂબ ટ્રોલ કરી રહ્યા છે.

આ ટ્રોલિંગનો જવાબ આપતા તેણીએ કહ્યું કે, આ એક અંગત વિષય છે અને દરેક લોકો તેને સમજી શકશે નહીં. તેણે આ નિર્ણયને નિર્ણયાત્મક દ્રષ્ટિકોણથી જોવાને બદલે આદર આપવા અપીલ કરી.

હાયમેનોપ્લાસ્ટી શું છે?
જણાવી દઈએ કે, કુંવારી છોકરીઓમાં હાઇમેન નામની પટલ હોય છે. આ પટલ સેક્સ દરમિયાન નુકસાન પામે છે. જો કે તે સાયકલ ચલાવવા, રમતગમત અથવા અન્ય શારીરિક પ્રવૃત્તિઓ દરમિયાન પણ તુટી જાય છે. આ પ્રક્રિયામાં હાયમેનને સર્જીકલ ટાંકાથી રીપેર કરવામાં આવે છે, જે પ્રતીકાત્મક રીતે કૌમાર્યને પુનઃસ્થાપિત કરે છે.

મૉડલના આ નિર્ણય બાદ મેડિસિનલ ક્લિનિકના સીઈઓ ડૉ. હાના સલુસોલિયાએ કહ્યું કે, હાઈમેનોપ્લાસ્ટી એક કોસ્મેટિક સર્જરી છે, જેમાં હાઈમેનને સર્જિકલ રીતે ટાંકા સાથે જોડવામાં આવે છે. આ ખરેખર કૌમાર્યને પુનઃસ્થાપિત કરતું નથી, તે માત્ર પ્રતીકાત્મક છે. આ સર્જરી માત્ર ખર્ચાળ નથી પણ જોખમી પણ હોઈ શકે છે. તેની આડઅસરોમાં ચેપ, ડાઘ અને રક્તસ્રાવનું જોખમ શામેલ છે.

English summary

What is hymenoplasty surgery? By undergoing which surgery, girls can become virgins again