શું છે વર્ચુઅલ ટચ? કેમ હાઈકોર્ટે આ વિશે બાળકોને જાગૃત કરવા માતા-પિતાઓને ટકોર કરી?
તમે બાળકોને સમયે સમયે સેક્સ એજ્યુકેશવ અને બેડ ટચ-ગુડ ટચ વિશેના શિક્ષણ વિશે સાંભળ્યુ હશે. પરંતુ હવે દિલ્હી હાઈકોર્ટે આ લિસ્ટમાં એક નવી વસ્તુનો ઉમેરો કરતા માતા-પિતાને ટકોર કરી છે.
બાળકોને જાતીય સતામણીનો ભોગ બનતા બચાવવા તેમને નાની ઉંમરથી જ સારા અને ખરાબ સ્પર્શ વિશે શીખવવામાં આવે છે. પરંતુ હાલમાં જ એક કેસની સુનાવણી દરમિયાન દિલ્હી હાઈકોર્ટે કહ્યું છે કે સગીરોને ગુડ ટચ અને બેડ ટચ શીખવવું પૂરતું નથી.
બાળકોને વર્ચ્યુઅલ ટચ વિશે પણ શીખવવું જરૂરી છે. જેથી ટેક્નોલોજીના યુગમાં બાળકો સાયબર દુરુપયોગનો શિકાર ન બને.
હાઈકોર્ટની ટકોર
સાયબર અપહરણ સંબંધિત એક કેસની સુનાવણી કરતા જસ્ટિસ સ્વર્ણ કાંતા શર્માએ કહ્યું કે સગીરોને તેમની ઓનલાઈન ક્રિયાપ્રતિક્રિયાઓ સુરક્ષિત બનાવવા અને સાયબર સ્પેસમાં છુપાયેલા જોખમોથી બચાવવા વર્ચ્યુઅલ ટચ વિશે શિક્ષિત કરવા જરૂરી છે.
તેમણે કહ્યું કે, આમાં ઑનલાઇન વર્તણૂક વિશે શીખવવું, હિંસક વર્તણૂકના ચેતવણી ચિહ્નોને ઓળખવા, ગોપનીયતા સેટિંગ્સ અને સીમાઓને ઑનલાઇન સમજાવવાનો સમાવેશ થાય છે.
વર્ચ્યુઅલ ટચ શું છે?
સરળ ભાષામાં સગીરોને ઑનલાઇન વર્તન સમજાવવું એ વર્ચ્યુઅલ ટચ છે. આજકાલ સાયબર ક્રાઈમના કિસ્સાઓ વધી રહ્યા છે અને બાળકો સરળતાથી સાયબર અબ્યુઝનો શિકાર બને છે. આ સ્થિતિમાં તેમને ઑનલાઇન થઈ રહેલા ખોટા વર્તન વિશે શીખવવાની જરૂર છે.
સાયબર દુરુપયોગથી બચવા ઓનલાઈન કેવી રીતે વર્તવું અને અન્ય વ્યક્તિના વર્તનને વર્ચ્યુઅલ ટચ કહેવામાં આવે છે. આ અંતર્ગત પ્રાઈવસી સેટિંગ્સ સમજાવવામાં આવે છે. આ સિવાય વર્ચ્યુઅલ સલામતી અને જોખમો તેમજ તમારી ઓનલાઈન ઓળખને કેવી રીતે સુરક્ષિત કરવી તે વિગતવાર સમજાવાય છે. આ બધા વિશે બાળકોને શિક્ષિત કરવું એ વર્ચ્યુઅલ ટચને વ્યાખ્યાયિત કરે છે.
આ કેસમાં કોર્ટે ટિપ્પણી કરી
કોર્ટે 2021માં તેના પર યૌન શોષણનો આરોપ લગાવેલી 16 વર્ષની છોકરીની માતાના જામીન ફગાવી દેતી વખતે આ ટિપ્પણી કરી. રાજીવ નામના વ્યક્તિએ સોશિયલ મીડિયા પર એક સગીર છોકરી સાથે મિત્રતા કરી હતી. બાદમાં છોકરાએ છોકરીનું અપહરણ કર્યું, તેણીને ઘણા દિવસો સુધી બંધક બનાવી અને પૈસાના બદલામાં તેણીને 45 વર્ષીય વ્યક્તિ સાથે લગ્ન કરવા દબાણ કર્યું. આ કેસમાં આરોપીની માતા પણ આરોપી છે. મહિલા પર પીડિતાને વેશ્યાવૃત્તિ માટે દબાણ કરવાનો તેમજ તેને એક રૂમમાં બંધ રાખવાનો આરોપ છે.
Click it and Unblock the Notifications
Sign in with Google
