Ye Hai India: 13 કરોડ રૂપિયાનું બીલ જોઇ ઉડી ગયા હોંશ !

મુંબઇ, 8 જાન્યુઆરી: કોઇ વ્યક્તિના મોબાઇલનું બિલ 13 કરોડ રૂપિયા આવે તો સ્વભાવિક છે કે તેના હોંશ ઉડી જાય. કાંદિવલીના વિશ્વનાથ શેટ્ટી સાથે કંઇક આવું જ બન્યું છે. વિશ્વનાથ શેટ્ટી છેલ્લાં 10 વર્ષોથી એમટીએનએલના ડૉલ્ફિન નેટવર્કનો ઉપયોગ કરે છે. તેમની પાસે પોસ્ટપેડ કાર્ડ છે. દર મહિને સરેરાશ 1000ની આસપાસ તેમનું બિલ આવે છે. બિલ આવતાંની સાથે જ તે પોતાનું બીલ જમા કરાવી દે છે.

ગત મહિને તેમનું બિલ 1300 રૂપિયાનું આવ્યું હતું તે પણ તેમને જમા કરાવી દિધું હતું. ગત બુધવારે જ્યારે તેઓ ટ્રેનમાં ફોર્ટથી કાંદિવલી સ્થિત પોતાના ઘરે જઇ રહ્યાં ત્યારે તેમના મોબાઇલ પર એસએમએસ આવ્યો હતો. જેમાં તેમના મોબાઇલનું નવું બિલ 13,18,47,813 રૂપિયા દર્શાવવામાં આવ્યું હતું.

વિશ્વનાથ શેટ્ટી આ એસએમએસ જોઇ ઘભરાઇ ગયા અને ટ્રેનમાંથી ઉતરીને કાંદિવલીમાં સીધા સર્વિસ પ્રોવાઇડર પાસે ગયા. ત્યાં વિશ્વનાથ શેટ્ટીને જણાવવામાં આવ્યું હતું કે કાંદિવલી ઓફિસ આ અંગે કશુ કરી શકે તેમ નથી. આ એસએમએસ બીકેસી ઓફિસમાંથી આવ્યો છે તમે ત્યાં જાઓ.

વિશ્વનાથ શેટ્ટી બીજા દિવસે બીકેસીના ઓફિસે જવાનું વિચારી રહ્યાં હતા અને ત્યારે 2 કલાક બાદ તેમના મોબાઇલ પર મેસેજ આવ્યો કે ડિયર કસ્ટમર તમે જૂના એસએમએસની અવગણના કરશો તમારું મોબાઇલ બિલ છે 1318 રૂપિયા છે. સ્વાભાવિક છે કે વિશ્વનાથ શેટ્ટીને બીજા એસએમએસથી શાંતિ થઇ, પરંતુ એમટીએનએલની સિસ્ટમ એરરથી વિશ્વનાથ શેટ્ટી થોડાક કલાક માટે તો ઉંઘ હરામ થઇ ગઇ હતી.

English summary

Customers have received unreasonably large mobile bills in the past, but none can be compared to the sheer exorbitance of Vishwanath Shetty's January mobile bill.