Apple યુઝર્સ માટે સરકારે ચેતવણી જારી કરી, આજે જ કરી લો આ કામ

By Desk

Published: Wednesday, April 9, 2025, 21:29 [IST]

જો તમે iPhone, iPad, Mac, Apple TV અથવા Apple Vision Pro જેવા Appleના ઉપકરણોનો ઉપયોગ કરો છો તો આ સમાચાર તમારા માટે ખૂબ જ મહત્વપૂર્ણ છે.

ભારત સરકારે Apple યુઝર્સ માટે એક ગંભીર સુરક્ષા ચેતવણી જાહેર કરી છે. સરકારે એપ્પલ યુઝર્સને તાત્કાલિક પગલા ભરવા પણ કહ્યું છે.

ભારત સરકારના ઇલેક્ટ્રોનિક્સ અને માહિતી પ્રૌદ્યોગિકી મંત્રાલયની એક ટીમ CERT-In (Computer Emergency Response Team - India) એ Appleના ઉપકરણોમાં ગંભીર સુરક્ષા ખામીઓ શોધી છે.

આ ખામીઓ દ્વારા હેકર્સ તમારા ડિવાઇસમાં ઘૂસી શકે છે અને તમારા અંગત ડેટા ચોરી શકે છે તેમજ આખા ઉપકરણનો કન્ટ્રોલ પણ મેળવી શકે છે. એટલે કે તમારી ગોપનીયતા પર મોટું જોખમ ઊભું થઈ શકે છે.

કઈ ખામીઓ છે અને કયા ડિવાઇસો પર અસર થઈ શકે?
આ ખામીઓનો અસર નીચેના Apple ડિવાઇસના જુના વર્ઝન પર થઈ શકે છે.

iPhone/iPad: iOS અને iPadOS ના 18.4, 17.7.6, 16.7.11, 15.8.4 કરતા જૂના વર્ઝન
Mac: macOS Sequoia 15.4, Sonoma 14.7.5, Ventura 13.7.5 કરતાં જૂના
Apple TV: tvOS 18.4 કરતાં જૂના
Apple Vision Pro: visionOS 2.4 કરતાં જૂના
Safari બ્રાઉઝર: Safari 18.4 કરતાં જૂના
Xcode: 16.3 કરતાં જૂના વર્ઝન

આ ખામીઓથી શું નુકસાન થઈ શકે છે?

હેકર્સ તમારું અંગત અને નાણાકીય ડેટા ચોરી શકે છે
તમારા ડિવાઇસ પર પોતાનો કાબૂ મેળવી શકે છે
તમારું ઉપકરણ હેક કરીને ડાઉન અથવા ક્રેશ કરી શકે છે

શું કરવું જોઈએ?
CERT-In અને Apple બન્નેએ સલાહ આપી છે કે તમારા Apple ઉપકરણોને તાત્કાલિક અપડેટ કરો. Appleએ આ ખામીઓ દૂર કરવા માટે નવા સિક્યોરિટી પેચ (Security Patch) જાહેર કર્યા છે તે પેચ Appleની ઓફિશિયલ વેબસાઇટ અને સેટિંગ્સમાં ઉપલબ્ધ છે.

જો તમે Appleના કોઈપણ ઉપકરણનો ઉપયોગ કરો છો અને તેને લાંબા સમયથી અપડેટ નથી કર્યો તો આજે જ તેને અપડેટ કરો અને હેકિંગથી પોતાને બચાવો.

Published On April 9, 2025