હવે તમારા શરીરથી જ ચાર્જ થઈ જશે તમારો મોબાઈ ફોન, 19 વર્ષના છોકરાએ ચમત્કાર કર્યો

તમે ઘણા લોકોને કહેતા સાંભળ્યા હશે કે શરીર એ ઉર્જાનો ભંડાર છે. પરંતુ તમે ક્યારેય એવુ નહીં સાંભળ્યુ હોય કે આ ઉર્જાને ઈલેક્ટ્રીસીટી કન્વર્ટ કરીને તેનો બીજો ઉપયોગ કરી શકાય, જો કે આ એક સત્ય છે. 19 વર્ષના છોકરાએ આ ચમત્કાર કર્યો છે.

બેલારૂસના મિન્સ્કમાં રહેતા 19 વર્ષીય યુવકે નાની ઉમરમાં મોટો ચમત્કાર કર્યો છે. આ યુવાને એક એવા ચમત્કારી ગેજેટનો આવિસ્કાર કર્યો છે જે માણસના શરીરની ઉર્જાને વીજળીમાં કન્વર્ટ કરીને મોબાઈલ ફોન ચાર્જ કરી શકે છે.

આ ડિવાઈસથી વાપરનાર વ્યક્તિ તેના હાથને ઘુમાવીને ફોનની બેટરી ચાર્જ કરી શકે છે. આ ગેજેટ ગતિ ઊર્જા ઉત્પન્ન કરીને વીજળી આપે છે, જેનાથી મોબાઇલને ઝડપથી ચાર્જ કરવા માટે ઉપયોગમાં લઈ શકાય છે. આ ઉપકરણને કિકસ્ટાર્ટરમાં 50,872 યુરો કરતાં વધુનું ફંડ પણ મળ્યુ છે.

આ અનોખા ગેજેટ બનાવનારા વાગા નામના યુવાને જણાવ્યુ કે, તમારા હાથની દરેક મુવમેન્ટ સાથે રોટરની ગતિ વધે છે અને વધુ પાવર જનરેટ થાય છે. રોટરની સરેરાશ ઝડપ 5,000 rpm છે. તે તમારી જનરેટ કરેલી યાંત્રિક ઊર્જાને વિદ્યુત ઊર્જામાં રૂપાંતરિત કરે છે અને તમને તમારા ડિવાઈટને પાવર આપે છે.
તેણે જણાવ્યુ કે, કે આ પ્રોડક્ટ વિકસાવવામાં એક વર્ષથી વધુ સમય લાગ્યો છે, જે લોકો વારંવાર મુસાફરી કરે છે અથવા જ્યાં પાવર સૉકેટની અછત છે તેમના માટે વધુ ઉપયોગી થઈ છે.

વાગા દ્વારા વિકસાવાયેલી હેન્ડએનર્જી ડિવાઇસની બેટરીને પુરી રીતે ચાર્જ થવામાં 40 મિનિટથી એક કલાકનો સમય લાગે છે અને જો ફોન એકસાથે ચાર્જ કરવામાં આવે તો આ ઝડપ 30 ટકા ઘટી જાય છે.

વાગા અને તેની ટીમ માને છે કે આ હેન્ડ એનર્જી ડિવાઈસ સફરમાં ઈમરજન્સીમાં પાવર જનરેટ કરવા માટે ખૂબ જ ઉપયોગી છે. કોઈપણ ઈંધણ વગર ગ્રીન એનર્જી જનરેટ કરે છે. આ ડિવાઈસ વારંવાર ઉપયોગકર્તાઓ તેની સાથે આવતી મોબાઇલ એપ્લિકેશનનો ઉપયોગ કરીને ગેજેટનો ઉપયોગ કરીને કેટલી ઉર્જા ઉત્પન્ન કરી છે તે જોઈ શકે છે.

વાગા અનુસાર, આ ડિવાઈસના રિવ્યુ ખુબ જ સારા રહ્યા છે અને લોકોએ આ પ્રોજેક્ટની પ્રશંસા કરી છે. લોકો ખુશ છે તેકોઈ એવું ઉપકરણ લઈને આવ્યું છે જે તેમને પાવરની અછતથી બચાવશે. આ હેન્ડએનર્જી ડિવાઈસ માર્ચ 2024 માં 84 યુરોની અંદાજિત છૂટક કિંમત સાથે બજારમાં મળી શકે છે.

English summary

Now your body will charge your mobile phone, a 19-year-old boy did a miracle