ડ્યુલ સ્ક્રીનવાળો સ્માર્ટફોન યોટા ફોન

Published: Sunday, November 24, 2013, 11:00 [IST]

રશિયાની મોબાઇલ મેન્યુફેક્ચર કંપની યોટાએ એક એવો ફોન બનાવ્યો છે, જેમાં ડ્યુલ સ્ક્રીન આપવામાં આવી છે, એટલે કે એક સ્ક્રીન પાછળ અને એક સ્ક્રીન આગળ. કંપની અનુસાર યોટા પોતાના નવા ડ્યુલ સ્ક્રીનવાળા સ્માર્ટફોનને 4 ડિસેમ્બર સુધીમાં બજારમાં લોન્ચ કરશે. વિશ્વ મોબાઇલ બજારમાં ક્રિસમસની આસપાસ આ સ્માર્ટફોન બજારમાં ઉતારવામાં આવશે.

નોંધનીય છે કે, વિશ્વ સમક્ષ આ ફોનને લોન્ચ કરતા પહેલા કંપની પોતાના આ ડ્યુલ સ્ક્રીન ફોનને રશિયન માર્કેટમાં વેચાણ અર્થે ઉતરાશે અને લોકોનો અભિપ્રાય જાણવાનો પ્રયાસ કરશે. તો ચાલો તસવીરો થકી જાણીએ કે આ ડ્યુલ સ્ક્રીન સ્માર્ટફોનમાં શું વિશેષતાઓ કંપની દ્વારા આપવામાં આવી છે.

સ્ક્રીન

યોટાફોનમાં 4.3 ઇંચની એલસીડી સ્ક્રીન આપવામાં આવી છે, જે 1280x720 પિક્સલ રિઝોલ્યુશન સપોર્ટ કરે છે. બીજી તરફ પણ 4.3 ઇંચની સ્ક્રીન આપવામાં આવી છે, જે 640x360 પિક્સલને સપોર્ટ કરે છે. ફોનની સ્ક્રીનમાં ઇ ઇંક પેનલની મદદથી તમે આ તેનો ઇ રીડરની જેમ પ્રયોગ કરી શકો છો. કિંડલ અને કોબો ઇ બુક રીડરમાં ઇ ઇંક સ્ક્રીનનો જ પ્રયોગ કરવામાં આવ્યોછે. સ્ક્રીનની વિશેષતા છે કે ઓફ સ્ક્રીનમાં મેસેજ, કોલ, મોસમ ઉપરાંત રિમાઇંડર જેવા અનેક ફીચર આપવામાં આવ્યા છે.