વધુ એક કંપનીએ છટણી શરૂ કરી, Ericsson ના 8500 કર્મચારીઓ નોકરી ગુમાવશે
હાલમાં જ ઘણી કંપનીઓ કર્મચારીઓની છટણી કરી રહી છે ત્યારે કંપનીએ ઘણા દેશોમાં કર્મચારીઓની સંખ્યામાં ઘટાડો કરવાની સુચના આપી દીધી છે. કંપનીએ ચોથા ક્વાર્ટરમાં અપેક્ષા કરતા ઓછી કમાણી નોંધાવી છે.
નવી દિલ્હી : છેલ્લા કેટલાક સમયથી ભારત અને વિદેશમાં વિવિધ કંપનીઓમાં છટણીના સમાચાર સતત આવી રહ્યા છે. હવે વધુ એક કંપની કર્મચારીઓને ઝટકો આપવા જઈ રહી છે. ટેલિકોમ ઈક્વિપમેન્ટ બનાવતી કંપની એરિક્સન કોસ્ટ ઘટાડવા વૈશ્વિક સ્તરે 8500 કર્મચારીઓની છટણી કરવા જઈ રહી છે.
રિપોર્ટ અનુસાર, કંપનીએ સોમવારે સ્વીડનમાં લગભગ 1400 નોકરીઓ ઘટાડવાની યોજનાની જાહેરાત કરી છે. ટેક કંપનીઓ આર્થિક સ્થિતિને લઈને હજારો કર્મચારીઓની છટણી કરી રહી છે, ત્યારે ટેલિકોમ ઉદ્યોગમાં આ સૌથી મોટી છટણી હશે. એક મેમોમાં કંપનીના સીઈઓ બોર્જે એકહોલ્મે લખ્યું છે કે, વિવિધ દેશોમાં નિયમોના આધારે છટણી કરવામાં આવશે.
હાલમાં જ ઘણી કંપનીઓ કર્મચારીઓની છટણી કરી રહી છે ત્યારે કંપનીએ ઘણા દેશોમાં કર્મચારીઓની સંખ્યામાં ઘટાડો કરવાની સુચના આપી દીધી છે. કંપનીએ ચોથા ક્વાર્ટરમાં અપેક્ષા કરતા ઓછી કમાણી નોંધાવી છે. અહેવાલો અનુસાર, એક મહિના કરતાં પણ ઓછા સમયમાં કંપનીએ આ નિર્ણયની જાહેરાત કરી હતી. યુએસ જેવા હાઈ માર્જિનવાળા પ્રદેશોમાં પણ 5G ડિવાઈસનું વેચાણ ધીમુ પડ્યુ છે.
વિશ્વમાં ટેલિકોમ સાધનોની માંગ ઘટાતા કંપની 2023ના અંત સુધીમાં તેના ખર્ચમાં 880 મિલિયન ડોલરનો ઘટાડો કરવાની યોજના ધરાવે છે. આ પહેલા કંપનીના ચીફ ફાઇનાન્સિયલ ઓફિસર કાર્લ મેલેન્ડરે જણાવ્યું હતું કે, કંપની ખર્ચ ઘટાડવાના પગલાંની યોજના બનાવી રહી છે, જેનાથી સલાહકારો, રિયલ એસ્ટેટ અને કર્મચારીઓની સંખ્યામાં ઘટાડો થશે.
છટણી મુદ્દે મેલન્ડરે કહ્યું હતું કે, આ બધા દેશો માટે અલગ છે. ઘણી જગ્યાએ હમણાં જ શરૂ થઈ રહી છે અને અમે વિવિધ દેશોના શ્રમ કાયદાઓને ધ્યાનમાં લઈને કરીશું.
Click it and Unblock the Notifications
Sign in with Google
