ગુજરાત પોલીસમાં વધુ 950 જગ્યાઓ પર ભરની જાહેરાત, જાણો તમામ વિગતો
ગુજરાત રાજ્યમાં સરકારી નોકરીની તૈયારી કરી રહેલા યુવાનો માટે એક ખુશીના અને મહત્વના સમાચાર આવ્યા છે. ગુજરાત પોલીસ ભરતી બોર્ડ દ્વારા ટેક્નિકલ સેવાઓ અંતર્ગત 950 Class-3 સંવર્ગની જગ્યાઓ પર સીધી ભરતીની મહત્વપૂર્ણ જાહેરાત કરવામાં આવી છે.
પોલીસ દળના વાયરલેસ અને મોટર ટ્રાન્સપોર્ટ પ્રભાગમાં ખાલી પડેલી આ પોસ્ટ્સ ભરવા માટે સત્તાવાર લીલી ઝંડી મળી છે.
ભરતી બોર્ડ દ્વારા જાહેર કરવામાં આવેલી વિગતો મુજબ, કુલ 950 ટેક્નિકલ જગ્યાઓ માટે સ્પર્ધાત્મક પરીક્ષા યોજાશે અને ત્યારબાદ પસંદગી પ્રક્રિયા હાથ ધરાશે. રસ ધરાવતા અને યોગ્યતા ધરાવતા ઉમેદવારોએ આ માટે Online Application (ઓનલાઈન અરજી) કરવાની રહેશે. વિવિધ પોસ્ટ્સ પરની ખાલી જગ્યાઓની વિગતવાર યાદી અહીં પ્રસ્તુત છે જેથી ઉમેદવારો સરળતાથી સમજી શકે.
આ ભરતીમાં સૌથી વધુ 698 જગ્યાઓ ટેક્નિકલ ઓપરેટર માટે ઉપલબ્ધ છે. આ ઉપરાંત, 172 વાયરલેસ પીએસઆઈ, 35 મોટર ટ્રાન્સપોર્ટ પીએસઆઈ અને 45 હેડ કોન્સ્ટેબલ ડ્રાઈવર મિકેનિક (ગ્રેડ 1) માટે પણ ભરતી કરવામાં આવશે. આમ કુલ 950 ટેક્નિકલ પોસ્ટ્સ પર યુવાનોને તેમની ટેક્નિકલ કુશળતાનો ઉપયોગ કરી કારકિર્દી બનાવવાનો અવસર મળશે.
આ ભરતી માટેની અરજી પ્રક્રિયા આગામી 9 જાન્યુઆરીના રોજ બપોરે 2:00 કલાકથી શરૂ થવા જઈ રહી છે. ઉમેદવારો 29 જાન્યુઆરી, રાત્રે 11:59 કલાક સુધી ઓનલાઈન પ્લેટફોર્મ પર અરજી કરી શકશે. શક્ય હોય તેટલું વહેલું ફોર્મ ભરી દેવું સલાહભર્યું છે, જેથી છેલ્લી ઘડીએ સર્વર પર આવતી મુશ્કેલીઓ અને ટેકનિકલ અવરોધોથી બચી શકાય અને સમયસર અરજી પૂર્ણ થઈ શકે.
આ ભરતી પ્રક્રિયા ખાસ કરીને ટેક્નિકલ બેકગ્રાઉન્ડ ધરાવતા ઉમેદવારો માટે જ નિર્ધારિત છે. એન્જિનિયરિંગ કે ટેક્નોલોજીના વિવિધ ક્ષેત્રોમાં ડિગ્રી કે ડિપ્લોમા ધરાવતા યુવાનો અરજી કરવા પાત્ર છે. ઇલેક્ટ્રોનિક્સ અને કોમ્યુનિકેશન (EC), કોમ્પ્યુટર સાયન્સ, ઇન્ફોર્મેશન ટેક્નોલોજી (IT), ઓટોમોબાઈલ એન્જિનિયરિંગ અને મિકેનિકલ એન્જિનિયરિંગ જેવી શાખાઓના ઉમેદવારો આ સુવર્ણ તક મેળવી શકે છે.
Click it and Unblock the Notifications
Sign in with Google
