ગુજરાતમાં 6607 આંગણવાડી કાર્યકર, સહાયકો માટે ભરતી પ્રક્રિયા શરુ

ગુજરાત સરકારે આંગણવાડી ભરતીની જાહેરાત કરી છે. રાજ્યમાં 5123 આંગણવાડી સહાયક અને 1484 આંગણવાડી કાર્યકરની જગ્યાઓ ખાલી પડી છે. આમ આંગણવાડીઓમાં 6607 જેટલી જગ્યાઓ ભરવા માટે પ્રક્રિયા શરુ કરી છે.

આ પ્રક્રિયા હેઠળ 10 હજાર જેટલી જગ્યાઓ માટે અરજીઓ મંગાવવામાં આવી હતી. તમને જણાવી દઈએ કે મહિલા અને બાળ વિકાસ વિભાગ દ્વારા આંગણવાડી સહાયક અને આંગણવાડી કાર્યકર માટેની પોસ્ટ માટે અરજી મંગાવવામાં આવી છે.

નોંધનીય છે કે આંગણવાડીમાં પૂર્વ પ્રાથમિક શિક્ષણની કામગીરી ઉપરાંત આરોગ્ય અને પોષણ સંબંધિત માહિતી આપવાનુ કામ કાર્યકરો કરતા હોય છે. વળી, સરકારી યોજનાઓનો અમલ કરાવવાનુ કામ પણ કરવામાં આવે છે.

એક સરકારી અહેવાલમાં જણાવ્યા મુજબ ગુજરાતમાં 50 હજાર કપતા વધુ આંગણવાડી કેન્દ્રો આવેલા છે. જેમાંથી અનેક આંગણવાડી કેન્દ્રો ખુલ્લી જગ્યામાં ચલાવવામાં આવે છે. બે હજારથી વધુ આંગણવાડીમાં પીવાના પાણીની સુવિધા નથી. 1200થી વધુ કેન્દ્રોમાં શૌચાલયની સુવિધા નથી.

કેન્દ્રના અહેવાલ મુજબ રાજસ્થાનમાં 1600, છત્તીસગઢમાં 2868, કર્ણાટકમાં 4849, મધ્ય પ્રદેશમાં 2795, મહારાષ્ટ્રમાં 16,573, ઉત્તર પ્રદેશમાં 34,835, પશ્ચિમ બંગાળમાં 19,972, તેલંગાણામાં 7038, બિહારમાં 2634, આંધ્ર પ્રદેશમાં 1561 જેટલા સહાયકોની જગ્યા ખાલી છે.

English summary

Recruitment process started for 6607 Anganwadi Workers, Assistants in Gujarat