તલાશની ટીમ કરશે કરીનાના લગ્નની ઉજવણી

મુંબઈ, 13 ઑક્ટોબર : સૈફ-કરીનાના લગ્નની તૈયારીઓ પરાકાષ્ઠાએ પહોંચી છે. બસ હવે થોડાંક દિવસ છે અને પછી કરીના કપૂર થઈ જશે કરીના કપૂર ખાન. આ સાથે જ સૈફ અલી ખાન સાથે બેબોનું નવું જીવન શરૂ થશે.

કરીનાના આ ખાસ પ્રસંગની ઉજવણી કરવા આમિર ખાને પણ પોતાની આખી તલાશ ફિલ્મની ટીમ સાથે કેટલાંક પ્લાન્સ બનાવ્યાં છે. કરીના કપૂર અને સૈફ અલી ખાનના લગ્ન 16મી ઑક્ટોબર થવાના છે તથા 17મીએ કરીના, આમિર અને રાણી મુખર્જીના અભિનય વાળી ફિલ્મ તલાશનું સંગીત રલીઝ થઈ રહ્યું છે. આ ઇવેંટ માટે આમિરે સ્પેશિયલી પોતાના બિઝી શિડ્યુઅલમાંથી એક દિવસ કાઢ્યો છે.

હાલ તો આમિર શિકાગો ખાતે પોતાની ધૂમ 3 ફિલ્મનું શુટિંગ કરી રહ્યાં છે, પરંતુ તલાશ તેમના માટે સ્પેશિયલ છે. તેથી તેના મ્યુઝિક લૉન્ચ માટે તેઓ એક દિવસનો સમય કાઢી શિકાગોથી પરત ફરી રહ્યાં છે. આ ઇવેન્ટમાં કરીના તો શામેલ નહિં થઈ શકે, પરંતુ રાણી, નવાઝુદ્દીન સિદ્દીકી, ફરહાન અખ્તર, રીમા કાગતી તમામ ભાગ લેશે.

નિર્માતા ફરહાન સાથે મળી આમિરે યોજના બનાવી છે કે આ ઇવેન્ટ દરમિયાન તલાશની આખી ટીમ કરીનાના આ ખાસ પ્રસંગની ઉજવણી કરશે. શૅમ્પેનની બોતલો ઉછાળાશે અને પછી રાણી, આમિર, રીમા તમામ કરીના કપૂર માટે કઇંક બોલશે તથા તેમના સુખદ ભવાવી માટે પ્રાર્થના કરશે.

English summary

Kareena Kapoor is busy in doing preparations for her D-day in the coming week, she will not be able to ateend the music launch of her next big film Talaash, on October 18. But Aamir Khan with the entire cast and crew of the film is coming up with a segment especially dedicated to Kareena.