Pics : અભી તો ‘આમિર’ જવાન હૈ, પણ જુનૈદે નાનો નથી!

Published: Thursday, June 27, 2013, 17:37 [IST]

મુંબઈ, 27 જૂન : હજી તો ફિલ્મી પડદે અભિનેતા આમિર ખાન એક લવિંગ બૉય તરીકે ધૂમ મચાવી રહ્યાં છે. યુવતીઓ તેમની ઘેલી હોય છે, તો રીયલ લાઇફમાં તેમના પુત્ર જુનૈદ પોતે એટલા મોટા થઈ ગયાં છે કે તેમણે પોતાના માટે એક યુવતી પણ પસંદ કરી લીધી છે અને બંને એક વર્ષથી ડેટિંગ કરી રહ્યાં છે.

મળતી માહિતી મુજબ જુનૈદ ખાન પોતાની સાથે ભણતાં સોનમ વર્મા સાથે છેલ્લા એક વરસથી ઇશ્ક ફરમાવી રહ્યાં છે. સોનમ મીડિયા સ્ટડીઝમાં એમબીએ કરી રહ્યાં છે. સોનમ-જુનૈદને ખુલ્લેઆમ હાથોમાં હાથ નાંખી જોઈ શકાય છે. એમ પણ જાણવા મળે છે કે જુનૈદે સોનમની મુલાકાત આમિર ખાન સાથે પણ કરાવી દીધી છે. હવે જુનૈદે સોનમનો પરિચય આમિર સમક્ષ કયા સ્વરૂપે આપ્યો, તે તો તેઓ જ જાણે, પણ એટલું નક્કી છે કે જુનૈદે સોનમને જ પોતાના જીવનસાથી તરીકે નક્કી કરી લીધાં છે.

નોંધનીય છે કે જુનૈદ આમિર ખાનના પ્રથમ પત્ની રીનાના પુત્ર છે. રીના સાથે પણ આમિરે પ્રેમલગ્ન કર્યા હતાં. રીના પણ આમિરના સહપાઠી હતાં, પરંતુ બે બાળકો અને લગભગ વીસ વર્ષ સાથે રહ્યા બાદ આમિર-રીના વચ્ચે છુટાછેડા થઈ ગયા હતાં. પછી આમિરે કિરણ રાવ સાથે લગ્ન કર્યાં અને બંનેને સરોગેસી વડે જન્મેલ પુત્ર આઝાદ છે. જુનૈદ આજકાલ પોતાનો અભ્યાસ પૂર્ણ કર્યા બાદ નિર્માતા-દિગ્દર્શક રાજકુમાર હીરાણીના સહાયક તરીકે કામ કરી રહ્યાં છે. રાજકુમાર હાલ પીકે ફિલ્મનું દિગ્દર્શન કરી રહ્યાં છે.

આવો જોઇએ જનૈદ-સોનમની તસવીરી ઝલક :