પંદર માસની આરાધ્યા 54 કરોડની આસામી

મુંબઈ, 2 ફેબ્રુઆરી : કહે છે ને કે અમુક લોકો મોઢામાં ચાંદીની ચમચી લઈ પેદા હોય છે અને પેદા થતાં જ સેલિબ્રિટી બની જાય છે. એવું જ કંઈ થયું છે આરાધ્યા બચ્ચન સાથે. કવિ હરિવંશ રાય બચ્ચનની પ્રપૌત્રી, અમિતાભ બચ્ચન-જયા બચ્ચનની પૌત્રી અને અભિષેક બચ્ચન-ઐશ્વર્યા રાય બચ્ચનની પુત્રી એટલે આરાધ્યા. આરાધ્યા હજુ તો પૂરા પંદર માસની પણ થઈ નથી અને અત્યારથી જ તે કરોડોની આસામી બની ચુકી છે.

જાણવા મળતી માહિતી મુજબ અભિષેક અને ઐશ્વર્યાએ દુબઈમાં 54 કરોડની મિલ્કત ખરીદી છે કે જે આરાધ્યાના નામે છે. આપને યાદ હશે કે આરાધ્યાનો જન્મ 16મી નવેમ્બર, 2011ના રોજ થયો હતો અને આગામી 16 ફેબ્રુઆરીએ તો તે 15 માસની થશે. જોકે આરાધ્યાના પ્રથમ જન્મ દિવસે એટલે કે 16મી નવેમ્બર, 2012ના રોજ દાદા અમિતાભ બચ્ચને પૌત્રી આરાધ્યાને બીએમડબ્લ્યૂ કાર ગિફ્ટ કરી હતી. બચ્ચન પરિવારની લાડકડી આરાધ્યાને એક નજરે જોવા આખી દુનિયા આતુર રહે છે.

તાજેતરમાં જ આરાધ્યા ભોપાલમાં દેખાઈ કે જ્યાં તે પોતાના પરિવાર સાથે પોતાના દાદાની સાસરીએ ગઈ હતી. અમિતાભ બચ્ચન હાલ પોતાના સાસરિયા શહેર ભોપાલ ખાતે છે. ત્યાં તેઓ પ્રકાશ ઝાની ફિલ્મ સત્યાગ્રહનું શૂટિંગ કરી રહ્યાં છે. આ ફિલ્મ 15મી ઑગસ્ટના રોજ રિલીઝ થવાની છે. ફિલ્મમાં કહે છે કે અમિતાભ બચ્ચન અણ્ણા હઝારેનો રોલ કરી રહ્યાં છે.

English summary

Aaradhya Bcahchan daughter of Abhishek Bachchan and Aishwarya Rai gets 54 crore gift from parents.