સાવધાન! : અડધી રાત્રે ફોન કરશે આ અભિનેત્રી...

Updated: Saturday, January 10, 2015, 16:01 [IST]

મુંબઈ, 10 જાન્યુઆરી : વિશેષ ફિલ્મ્સની આગામી ફિલ્મ ખામોશિયાં ઘણી બાબતોમાં ખાસ થતી જાય છે. પહેલા તો આ ફિલ્મ સાથે બૉલીવુડ ડેબ્યુ કરવા જઈ રહેલી ટેલીવિઝન જગતના સુપર સ્ટાર ગુરમીત ચૌધરી, સપના પબ્બી અને અલી ફઝલ મુખ્ય રોલમાં છે, તો બીજી ખાસ વાત એ છે કે ખામોશિયાં એક ઇરોટિક થ્રિલર ફિલ્મ છે અને તેના ટ્રેલર તથા ગીતો પણ દર્શકોને જકડી રહ્યાં છે.

હવે ખામોશિયાં ફિલ્મનું પ્રમોશન પણ ખૂબ જ યુનિક રીતે થવા જઈ રહ્યું છે. ગુરમીત જેમ ખામોશિયાં સાથે ડેબ્યુ કરવા જઈ રહેલા અભિનેત્રી સપના પબ્બી અડધી રાત બાદ પુરુષો સાથે ફોન પર વાત કરશે. આ પ્લાન લઈને આવ્યાં છે ફિલ્મના દિગ્દર્શક કરણ દર્રા. તેમની માનીએ, તો આ પ્રમોશન ફિલ્મની થીમ સાથે બિલ્કુલ બંધ બેસે છે.

થીમ મુજબ સપના પબ્બી અડધી રાતે પુરુષોને ફોન કરશે અને કેટલાક સવાલો કરશે. જોકે તકેદારી સાથે તમામ સવાલો ફિલ્ટર કરવામાં આવશે કે જેથી વાતચીત અશ્લીલ કે અમર્યાદિત ન બને. આ ફિલ્મમાં સપના પબ્બી એક મહિલાના રોલમાં છે કે જે લોકોને પોતાની તરફ આકર્ષે છે અને તેમને પોતાના જાળમાં ફસાવે છે. તે હેઠળ જ દિગ્દર્શક કરણ દર્રા આવા આઇડિયા સાથે પ્રમોશન કરવા આગળ આવ્યાં કે સપનાની માત્ર પુરુષો સાથે ચૅટ વડે વાતચીત કરાવવામાં આવે.

જોકે આ ચૅટને રેડિયો વડે કરવામાં આવશે. કરણ દર્રાના જણાવ્યા મુજબ આ ખૂબ જ બોલ્ડ અને ઇંટરેસ્ટિંગ હશે. તેમાં મસ્તી સાથે છેડતી પણ હશે, પરંતુ બધુ લિમિટની અંદર. આખી ટીમ આ ટાસ્કને લઈને ખૂબ જ એક્સાઇટેડ છે.