દિલીપ કુમાર બાદ હવે અમિતાભ બચ્ચન બનશે ‘લીડર’!
મુંબઈ, 5 મે : મોટા પડદા ઉપર ફરી આવી રહ્યો છે લીડર. 1964માં દિલીપ કુમારની ફિલ્મ લીડર તો બધાને યાદ જ હશે કે જેનું ગીત ‘અપની આઝાદી કો હમ હરગિજ મિટા સકતે નહીં...' આજે પણ સ્વાતંત્ર્ય દિવસ અને પ્રજાસત્તાક દિવસે જોરશોરથી વગાડવામાં આવે છે. દિલીપ કુમારની આ સુપર હિટ ફિલ્મ લીડર 50 વર્ષ બાદ ફરીથી મોટા પડદે આવી રહી છે અને આ વખતે લીડર તરીકે જોવા મળશે બિગ બી અમિતાભ બચ્ચન.
અમિતાભના મેક-અપ મૅન દીપક સાવંત ફિલ્મ લીડર બનાવી રહ્યાં છે અને તેમણે અમિતાભ બચ્ચન સાથે તેમના પત્ની જયા બચ્ચનને પણ સાઇન કર્યાં છે. દીપક સાવંત આ અગાઉ અમિતાભને લઈ ત્રણ ભોજપુરી ફિલ્મો ગંગા, ગંગોત્રી તથા ગંગાદેવી બનાવી ચુક્યાં છે. ગંગા દેવીમાં જયા બચ્ચન પણ હતાં.
મળતી માહિતી મુજબ લીડરમાં અમિતાભ બચ્ચન અને જયા બચ્ચન ઉપરાંત ગુલશન ગ્રોવર પણ મહત્વની ભૂમિકા ભજવતા દેખાશે. ફિલ્મની વાર્તા તે સામાન્ય માણસની આસપાસ ફરશે કે જે એક અન્યાયી નેતા સામે સંઘર્ષ કરવા રાજકારણમાં પ્રવેશે છે. ફિલ્મમાં ગુલશન ગ્રોવર નેતા, જ્યારે અમિતાભ બચ્ચન સામાન્ય માણસની ભૂમિકા ભજવતા નજરે પડશે.
ચાલો જોઇએ લીડર ફિલ્મનો ફર્સ્ટ લુક અને તેના અનાવરણની તસવીરી ઝલક :
પચાસ વર્ષે ફરી આવે છે લીડર
મોટા પડદા ઉપર ફરી આવી રહ્યો છે લીડર. પચાસ વર્ષ અગાઉ દિલીપ કુમારની ફિલ્મ લીડર આવી હતી અને હવે 50 વર્ષ બાદ લીડરમાં લીડ રોલ કરી રહ્યાં છે અમિતાભ બચ્ચન.
ફર્સ્ટુ લુકનું અનાવરણ
લીડર ફિલ્મનો ફર્સ્ટ લુક લૉન્ચ થઈ ગયો છે. અમિતાભ બચ્ચને ફિલ્મના ફર્સ્ટ લુકનું અનાવરણ કર્યુ હતું.
લીડરની ટીમ હાજર
લીડર ફિલ્મના ફર્સ્ટ લુકના અનાવરણ પ્રસંગે અમિતાભ બચ્ચન, ગુલશન ગ્રોવર, પાખી હેગડે સહિત ફિલ્મની ટીમના સભ્યો હાજર રહ્યા હતાં.
જયા બચ્ચન સાથે જોડી
અમિતાભના મેક-અપ મૅન દીપક સાવંત ફિલ્મ લીડર બનાવી રહ્યાં છે અને તેમણે અમિતાભ બચ્ચન સાથે તેમના પત્ની જયા બચ્ચનને પણ સાઇન કર્યાં છે.
અમિતાભ હીરો, ગુલશન વિલન
લીડર ફિલ્મની વાર્તા તે સામાન્ય માણસની આસપાસ ફરશે કે જે એક અન્યાયી નેતા સામે સંઘર્ષ કરવા રાજકારણમાં પ્રવેશે છે. ફિલ્મમાં ગુલશન ગ્રોવર નેતા, જ્યારે અમિતાભ બચ્ચન સામાન્ય માણસની ભૂમિકા ભજવતા નજરે પડશે.
અભિષેક ચડ્ઢા દિગ્દર્શક
લીડર ફિલ્મનું દિગ્દર્શન અભિષેક ચડ્ઢા કરી રહ્યાં છે.