તાપસી પન્નું બાદ વધુ એક બોલિવૂડની બોલ્ડ અભિનેત્રીએ ખાનગીમાં લગ્ન કરી લીધા? જાણો કોણ છે આ અભિનેત્રી?

હાલમાં જ અહેવાલો આવ્યા હતા કે બોલિવૂડ અભિનેત્રી તાપસી પન્નુએ છુપાઈને લગ્ન કરી લીધા છે. હવે વધુ એક અભિનેત્રીએ પણ ખાનગીમાં લગ્ન કર્યા હોવાના અહેવાલ છે.

અહેવાલો અનુસાર, લાંબા સમયથી એકબીજાને ડેટ કરી રહેલા સિદ્ધાર્થ અને અદિતિ રાવ હૈદરીએ ખાનગીમાં લગ્ન કરી લીધા છે. બન્નેના લગ્ન સાદગીપૂર્ણ રીતે થયા છે.

સમાચારો અનુસાર, બંનેએ તેલંગાણાના શ્રી રંગનાયકસ્વામી મંદિરમાં લગ્ન કર્યા છે. જેમાં માત્ર કપલના પરિવારના સભ્યો અને નજીકના મિત્રોએ જ હાજર હતા. બંનેએ 27 માર્ચે લગ્ન કર્યા છે.

અદિતિ રાવ અને સિદ્ધાર્થ લાંબા સમયથી લિવ-ઈન રિલેશનશિપમાં રહે છે. જો કે બંનેએ ક્યારેય પોતાના સંબંધોને સત્તાવાર જાહેર કર્યા નથી. તેમના લગ્નના સમાચાર છેલ્લા કેટલાક સમયથી હેડલાઇન્સમાં હતા. હવે એવું કહેવામાં આવી રહ્યું છે કે કપલે ગુપ્ત લગ્નનો નિર્ણય ઉતાવળમાં લેવો પડ્યો.

અહેવાલો અનુસાર, અદિતિ અને સિદ્ધાર્થે પારંપારિક રીતિ-રિવાજ મુજબ લગ્ન કર્યા છે. તેમના લગ્ન માટે તમિલનાડુના પૂજારીઓને બોલાવવામાં આવ્યા હતા. અદિતિનો મંદિર સાથે ગાઢ સંબંધ છે જ્યાં બંનેએ લગ્ન કર્યા. જો કે કપલ દ્વારા લગ્નના સમાચારની હજુ સુધી પુષ્ટિ કરવામાં આવી નથી, પરંતુ ચાહકો આતુરતાથી તસવીરોની રાહ જોઈ રહ્યા છે.

અદિતિ અને સિદ્ધાર્થની પહેલી મુલાકાત વર્ષ 2021માં રિલીઝ થયેલી તેલુગુ તમિલ ફિલ્મ મહા સમુદ્રમ દરમિયાન થઈ હતી. જે બાદ બંને એકબીજાને ડેટ કરવા લાગ્યા. આ કપલ ઘણી વખત સાથે સ્પોટ પણ થયું છે. જો કે, આ કપલ હંમેશા પોતાની અંગત જિંદગીને ખાનગી રાખવાનું પસંદ કરે છે. આ જ કારણ છે કે બંનેએ ખૂબ જ સાદગી સાથે લગ્ન કર્યા છે.

જણાવી દઈએ કે અદિતિના આ બીજા લગ્ન છે. તેણે અગાઉ 2009માં સત્યદીપ મિશ્રા સાથે લગ્ન કર્યા હતા. પરંતુ થોડા સમય પછી બંનેના છૂટાછેડા થઈ ગયા. સિદ્ધાર્થે પણ વર્ષ 2003માં પ્રથમ વખત લગ્ન કર્યા હતા. પરંતુ તેમનો સંબંધ પણ લાંબો સમય ટકી શક્યો નહીં.

English summary

After Taapsee Pannu, another bold Bollywood actress got married in private? Know who is this actress?