Box Office: 100 કરોડની પાર કર્યા એરલિફ્ટે, ઓવરસીઝમાં છવાઇ

હાલમાં જ રીલિઝ થયેલી અક્ષય કુમારની ફિલ્મ એરલિફ્ટ આખરે 100 કરોડની ક્લબમાં સામેલ થઇ ગઇ છે. ફિલ્મના રિલિઝ બાદ બીજા વીકેન્ડ સુધી પહોંચતા આ ફિલ્મે 102.76 કરોડનું કલેક્શન કમાયું છે. અને આવનારા દિવસોમાં પણ આ ફિલ્મ સારી કમાણી કરશે તેવું લાગી રહ્યું છે.

આ ફિલ્મ અત્યાર સુધીમાં 156 ટકાનો નફો કમાયો છે. કારણ કે ફિલ્મનું બજેટ 40 કરોડનું હતું. 30 કરોડ પ્રોડક્શનના અને 10 કરોડ પ્રમોશન ખર્ચે. તે હિસાબે તેણે 100 કરોડ કરતા પણ ઉપર કમાઇને સારો તેવો નફો કમાવ્યો છે. વળી વિદેશોમાં આ ફિલ્મને જોરદાર રિસ્પોન્સ મળી રહ્યો છે. જે જોતા 2016ની તે બેસ્ટ ફિલ્મોમાંથી એક સાબિત થશે તે વાત ચોક્કસ છે.

વળી અક્ષય કુમાર માટે આ સફળતા ખૂબ જ ખાસ છે કારણ કે ગત વર્ષે તેમની 4 ફિલ્મોમાંથી કોઇએ પણ 100 કરોડનો આંકડો પાર નહતો કર્યો.

એરલિફ્ટ

એરલિફ્ટ અત્યાર સુધીમાં બોક્સ ઓફિસ પર 102.76 કરોડનું કલેક્શન કરી ચૂકી છે. અને કોઇ શક નથી કે આવનારા અઠવાડિયા સુધીમાં 120 કરોડનો વેપાર કરી લે.

પ્રોફિટ

ફિલ્મે હજી સુધી 156 ટકાનો પ્રોફિટ કર્યો છે. જ્યારે ફિલ્મનું બજેટ ખાલી 30 કરોડ હતું.

ઓપનિંગ

ઓપનિંગ ડે એટલે કે શુક્રવારે આ ફિલ્મ 12.35 કરોડની કમાણી કરી હતી. જેને એક સારી ઓપનિંગ ગણી શકાય.

ઓવરસીઝ

ઓવરસીઝમાં આ ફિલ્મે 26.53 કરોડનું કલેક્શન કર્યું છે. જે પણ એક સારી વાત છે.

ફસ્ટ વીક

ફિલ્મે તેની રિલિઝના પહેલા વીકમાં 83.50 કરોડની કમાણી કરી છે. અને લોકો હજી પણ આ ફિલ્મને ખૂબ જ પસંદ કરી રહ્યા છે.

સુપરહિટ

ભારતમાં આ ફિલ્મ સુપરહિટ રહી છે. 5 ફેબ્રુઆરીએ જો ધાયલ વન્સ અગેન લોકોને પસંદ નથી આવતી. તો એરલિફ્ટની આવી સારી કમાણી ચાલુ રહી શકે છે.

English summary

Akshay Kumar's latest release Airlift makes 156% profit; superhit at the Box Office in India.