Pics : ઐશ-અભિષેક અને મૅડોના એક મંચ ઉપર

Published: Monday, June 3, 2013, 14:06 [IST]

લંડન, 3 જૂન : કૅન્સ ફિલ્મ ફેસ્ટિવલમાં પોતાની શાનદાર રજુઆત બાદ બૉલીવુડ અભિનેત્રી ઐશ્વર્યા રાય બચ્ચને 1લી જૂને અહીં ખાતે યોજાયેલ એક ચૅરિટી કાર્યક્રમમાં પોતાનું ઓજસ પાથર્યું. આ કાર્યક્રમમાં આંતરરાષ્ટ્રીય સંગીત સિતારાઓ મૅડોના તથા બેયોંસ પણ હાજર હતાં.

ઐશ્વર્યા રાયે ચાઇમ ફૉર ચેંજ નામના આ ચૅરિટી સંગીત કાર્યક્રમમાં પતિ અને અભિનેતા અભિષેક બચ્ચન સાથે ભાગ લીધો. ઐશ્વર્યાએ આ કાર્યક્રમનું હોસ્ટિંગ કર્યું. આ કાર્યક્રમ દુનિયા ભરમાં મહિલા અધિકારો તથા સશક્તીકરણ અંગે જાગૃતિ વધારવાના ઉદ્દેશે નાણાં એકત્ર કરવા માટે યોજાય છે.

ગાયિકા અને ચાઇમ ફૉર ચેંજના સહ-સંસ્થાપક તથા કૉન્સર્ટ દિગ્દર્શક બેયોંસે જણાવ્યું કે તેઓ સાચે જ ખુશ છે કે આટલાં બધા કલાકારો તથા રજુઆતકર્તાઓ ચાઇમ ફૉર ચેંજને સહકાર આપવા એકત્ર થયાં છે. આપણું લક્ષ્ય મળીને સારો સમય પસાર કરવાનો છે. સાથે જ અમે દુનિયાની મહિલાઓ તથા છોકરીઓના અવાજને એકજુટ કરીશું અને મજબૂતી આપીશું

મૅડોનાએ જણાવ્યું કે વિશ્વમાં સ્કૂલે ન જનાર બાળકોમાં 60 ટકા બાળકીઓ છે. વિશ્વની બે તૃત્યાંશ નિરક્ષર વસતી મહિલાઓની છે. હું તેને સ્વીકારી ન શકું. તેને બદલવું પડશે અને અમે તેને બદલી નાંખીશું.

આ કાર્યક્રમમાં ઐશ્વર્યા રાય અને અભિષેક બચ્ચન ખૂબ જ ખુશ જણાતા હતાં. તાજેતરમાં જ કૅન્સ ફિલ્મ ફેસ્ટિવલ 2013માં પોતાના જલવા પાથરનાર ઐશ્વર્યાએ આ સંગીત કાર્યક્રમમાં ભાગ લઈ પોતાના જલવા પાથર્યા હતાં.

આવો આપને બતાવીએ ચાઇમ ફૉર ચેંજ કાર્યક્રમની તસવીરી ઝલક.