Aishwarya Bachchan Birthday: કરોડોની સંપત્તિ, મુંબઈ-દુબઈમાં આલીશાન ઘર, જાણો ઐશ્વર્યા રાયની કમાણી, લાઈફસ્ટાઈલ

Updated: Wednesday, November 1, 2023, 8:26 [IST]

Aishwarya Rai Bachchan Birthday: ભૂતપૂર્વ મિસ વર્લ્ડ અને બૉલિવુડ અભિનેત્રી ઐશ્વર્યા રાય બચ્ચન ભલે હવે ફિલ્મોમાં ઓછી જોવા મળે, પરંતુ લોકો તેની સુંદરતાના હજુ પણ દિવાના છે. તેના અભિનયની સાથે, ઐશ્વર્યા રાય બચ્ચન તેની કાતિલ આંખોથી લોકો પર જાદુ કરે છે.

ઐશ્વર્યા રાયે સૌપ્રથમ મોડલિંગ દ્વારા ગ્લેમર વર્લ્ડમાં પ્રવેશ કર્યો હતો. તેણે વર્ષ 1994માં મિસ વર્લ્ડનો ખિતાબ જીત્યો હતો. આ પછી ઐશ્વર્યા રાયે વર્ષ 1997માં ફિલ્મ 'ઈરુવર'થી પોતાની એક્ટિંગ કરિયરની શરૂઆત કરી હતી.

ઐશ્વર્યા રાયે બૉલિવુડની ઘણી સુપરહિટ ફિલ્મોમાં કામ કર્યું છે. તેણે પોતાની મહેનતના દમ પર આજે આ મુકામ હાંસલ કર્યું છે. આટલા વર્ષો સુધી મહેનત કરીને ઐશ્વર્યા રાયે કરોડોની સંપત્તિ બનાવી છે. તમને જણાવી દઈએ કે ઐશ્વર્યા રાયની નેટવર્થ તેના પતિ અભિષેક બચ્ચન કરતા અનેક ગણી વધારે છે. આજે ઐશ્વર્યા રાય પોતાનો 50મો જન્મદિવસ ઉજવી રહી છે. આવો જાણીએ ઐશ્વર્યા રાય બચ્ચનની નેટવર્થ અને કમાણી વિશે.

ટાઈમ્સ ઑફ ઈન્ડિયાના રિપોર્ટ અનુસાર, ઐશ્વર્યા રાયની કુલ સંપત્તિ લગભગ 100 મિલિયન ડૉલર એટલે કે 828 કરોડ રૂપિયા છે. બૉલિવુડ અને સાઉથની ફિલ્મોની સાથે ઐશ્વર્યા રાય બ્રાન્ડ એન્ડોર્સમેન્ટ પણ કરે છે, જેનાથી જંગી કમાણી થાય છે. ઐશ્વર્યા રાય બચ્ચન ઘણી મોટી બ્રાન્ડની બ્યુટી પ્રોડક્ટ્સને એન્ડોર્સ કરે છે જેનાથી તેને કરોડો રૂપિયાની કમાણી થાય છે.

ઐશ્વર્યા રાય ભલે ઓછી ફિલ્મો કરે પરંતુ તે એક ફિલ્મ માટે 10થી 12 કરોડ રૂપિયા લે છે. તે માત્ર બ્રાન્ડ એન્ડોર્સમેન્ટથી એક વર્ષમાં 80થી 90 કરોડ રૂપિયા કમાય છે. ઐશ્વર્યા રાય બચ્ચન કોઈપણ બ્રાન્ડના એન્ડોર્સમેન્ટ શૂટ માટે દરરોજ 6થી 7 કરોડ રૂપિયા ચાર્જ કરે છે. તમને જણાવી દઈએ કે ઐશ્વર્યા રાય બચ્ચન ઘણી આંતરરાષ્ટ્રીય બ્રાન્ડ્સનો ચહેરો છે.

તમને જણાવી દઈએ કે ઐશ્વર્યા રાય બચ્ચન પાસે બાંદ્રા-કુર્લા કૉમ્પ્લેક્સમાં લક્ઝુરિયસ 5 BHK એપાર્ટમેન્ટ છે. તેણે આ અપાર્ટમેન્ટ વર્ષ 2015માં ખરીદ્યું હતું, જેની કિંમત લગભગ 21 કરોડ રૂપિયા છે. ઐશ્વર્યા રાય બચ્ચન પાસે મુંબઈના વરલી વિસ્તારમાં વધુ એક લક્ઝરી અપાર્ટમેન્ટ છે, જેની કિંમત લગભગ 41 કરોડ રૂપિયા છે. આ સિવાય ઐશ્વર્યા રાયે દુબઈના સેન્ચ્યુરી ફોલ્સમાં એક લક્ઝુરિયસ વિલા ખરીદ્યો છે જેની કિંમત 15.6 કરોડ રૂપિયા છે.

ઐશ્વર્યા રાય બચ્ચનને મોંઘી અને લક્ઝુરિયસ કારનો ખૂબ શોખ છે. તેની પાસે 7.95 કરોડ રૂપિયાની રૉલ્સ રૉયસ ઘોસ્ટ કાર છે જે તેણે થોડા વર્ષો પહેલા ખરીદી હતી. આ સિવાય ઐશ્વર્યા રાય પાસે Lexus LX 570 (2.33 કરોડ) અને Audi A8 L (1.56 કરોડ)ની કાર છે.