અક્ષય-ટ્વિંકલની દીકરીની અટક ખન્ના રહેશે

Updated: Wednesday, February 4, 2015, 10:54 [IST]

મુંબઈ, 2 ઑક્ટોબર : બૉલીવુડના ખેલાડી અક્ષય કુમાર આજકાલ બહુ ખુશ છે. તેમની ખુશીના બે કારણો છે. એક તો તેમની ફિ્લ્મ ઓહ માય ગૉડને સારી ઓપનિંગ મળી છે અને બીજું એ કે તેમના ઘરે એક નન્હી કળીએ પગલાં પાડ્યાં છે. તેનું નામ તેમએ નિતારા ખન્ના ભાટિયા રાખ્યું છે. અક્ષય કુમારે જણાવ્યું કે તેમની પુત્રી પોતાના નાનાના નામે પોતાની સરનેમ લગાવશે. જો આજે તેના નાના સ્વર્ગસ્થ રાજેશ ખન્ના જીવતા હોત તો તેને જોઈને બહુ ખુશ થાત.

નોંધનીય છે કે ગત 25મી ડિસેમ્બરે અક્ષય-ટ્વિંકલના ઘરે એક નાનકડી દીકરીએ પગલા માંડ્યાં હતાં. આ પ્રસંગે ટ્વિંકલ ખન્નાએ જણાવ્યુ હતું કે તેમના પિતા સ્વર્ગસ્થ રાજેશ ખન્નાની હૃદયપૂર્વક ઇચ્છા હતી કે ટ્વિંકલને એક વ્હાલી અને સુંદર પુત્રી થાય કે જે એકદમ ટ્વિંકલની જેમ હોય.

આપને જણાવી દઇએ કે સ્વર્ગસ્થ રાજેશ ખન્ના જ્યારે માંદા હતાં, ત્યારે ટ્વિંકલ તેમની સારસંભાળ નહોતા કરી શક્યા કારણ કે તેઓ ગર્ભવતી હતાં. ડૉક્ટરે તેમને આરામ કરવાની સલાહ આપી હતી. તેથી પપ્પા રાજેશ ખન્નાએ તેમને વારંવાર હૉસ્પિટલ આવવાની પણ ના કહી હતી.

એટલું જ નહિં રાજેશ ખન્નાની અંતિમ યાત્રામાં પણ ટ્વિંકલ તેથી જ શામેલ નહોતી થઈ શક્યા હતાં. એવામાં તેમના ઘરે એક દીકરી અવતરતાં તેમને લાગ્યું કે તેઓ પોતાના પપ્પાની અંતિમ ઇચ્છા પૂર્ણ કરવામાં સફળ રહ્યાં.