અક્ષય કુમારનો 2000 કરોડ ક્લબમાં સમાવેશ
મુંબઈ, 19 ફેબ્રુઆરી : ટ્વિટર ઉપર ચારેકોર અક્ષય કુમારનો જય યો થઈ રહ્યો છે. ખબર છે કે અક્ષય કુમારનો પોતાની ફિલ્મોની સતત સફળતાના પગલે 100 કરોડ કે 200 કરોડ નહીં, પણ સીધાં જ 2000 કરોડ ક્લબમાં સમાવેશ થઈ ગયો છે. અક્ષય કુમારના ફૅન્સે #akshay2000croreનો ટૅગ બનાવ્યો છે અન આ ટૅગ ગત શનિવારથી ટ્વિટર પર ટ્રેડિંગ છે. ટ્વિટર પર અક્ષય કુમારે પોતાના તમામ ફૅન્સને થૅંક્સ કહ્યું છે અને સાથે જ જણાવ્યું છે કે આ ટૅગ ટ્રેડિંગ થઈ શક્યું તો માત્ર અને માત્ર ફૅન્સ જ કારણે.
અક્ષય કુમાર જ નહીં, પણ અનુપમ ખેરે પણ અક્ષય કુમારના ફૅન્સ દ્વારા બનાવાયેલ આ ટૅગની સફળતા માટે તેમનો આભાર વ્યક્ત કર્યો છે. નોંધનીય છે કે અક્ષય કુમારના એક ફૅને અક્ષય કુમારની અત્યાર સુધીની તમામ ફિલ્મોની કમાણીને જોડી હિસાબ લગાવ્યો છે અને જણાવ્યું છે કે અક્ષય કુમારે પોતાની ફિલ્મો દ્વારા અત્યાર સુધી કુલ્લે 2000 કરોડ રુપિયાની કમાણી કરી લીધી છે.
ગત વર્ષે જ અક્ષય કુમારની રાઉડી રાઠોડ અને ઓહ માય ગૉડ ફિલ્મોએ બહુ સારો બિઝનેસ કર્યો તથા તે પછી રિલીઝ થયેલી સ્પેશિયલ 26 ફિલ્મ સતત બે સપ્તાહથી સારો બિઝનેસ કરી રહી છે. તમામ ફિલ્મોની કમાણીનો સરવાળો 2000 કરોડના આંકને આંબી જાય છે. અક્ષય કુમારે પોતાના ફૅન્સ પ્રત્યે આભાર વ્યક્ત કરતાં ટ્વિટ કર્યું - સાચે જ હું આપ તમામ અક્કિયન્સને પોતાના જીવનમાં પામી ખુશ છું. મારા ફૅન ક્લબના સૌ સભ્યોનો વગર સ્વાર્ઘે મારું આટલું સપોર્ટ કરવા બદલ આભાર. #akshay2000crore ટૅગ સફળ થઈ શક્યો માત્ર આપના કારણે. અનુપમ ખેરે ટ્વિટ કર્યું છે - મારા તરફથી પણ સૌ અક્કિયંસ અને અક્ષય કુમારના ફૅન ક્લબના તમામ સભ્યોનો ખૂબ-ખૂબ આભાર. આપ તમામ સ્પેશિયલ 26ની સફળતાનું પીઠબળ છો. જય હો સૌને.
Click it and Unblock the Notifications
Sign in with Google
