આલિયા ભટ્ટ પ્રેગ્નેન્સીમાં કોલકત્તાથી મંગાવીને ખાતી હતી આ ફૂડ આઈટમ, હવે થયો ખુલાસો
Alia Bhatt Pregnancy: બૉલિવુડ એક્ટ્રેસ આલિયા ભટ્ટ એક દમદાર એક્ટ્રેસ હોવા ઉપરાંત એક માતાની જવાબદારીઓ પણ નિભાવી રહી છે. આલિયા તેના કામ સિવાય તેની પુત્રી રાહાને પૂર્ણ સમય આપતી જોવા મળે છે. રાહા કપૂર પણ પોતાની ક્યુટનેસ અને સુંદર આંખોના કારણે સોશિયલ મીડિયા પર ખૂબ જ લોકપ્રિય થઈ ગઈ છે.
પ્રખ્યાત ઉદ્યોગપતિ મુકેશ અંબાણીના નાના પુત્ર અનંત અંબાણી અને રાધિકા મર્ચન્ટના પ્રી-વેડિંગ સેરેમનીમાં હાજરી આપતા આલિયા ભટ્ટ અને તેની પુત્રી રાહા કપૂરની ઘણી તસવીરો અને વીડિયો સોશિયલ મીડિયા પર વાયરલ થયા હતા. રાહાની તસવીરો જોયા બાદ લોકો તેના પર ખૂબ જ પ્રેમ વરસાવતા જોવા મળ્યા હતા.
આ દરમિયાન, સેલિબ્રિટી ન્યુટ્રિશનિસ્ટ સુમન અગ્રવાલે ખુલાસો કર્યો છે કે બૉલિવુડ અભિનેત્રી આલિયા ભટ્ટને તેના ગર્ભાવસ્થા દરમિયાન પશ્ચિમ બંગાળની મીઠાઈઓ ખાવાનું પસંદ હતું. ખાસ કરીને ગર્ભાવસ્થા દરમિયાન, તેને બંગાળના નોલેન ગોળનો સંદેશ ખાવાની તલપ હતી.
સેલિબ્રિટી ન્યુટ્રિશનિસ્ટે વધુમાં જણાવ્યું કે આલિયાની આ તૃષ્ણાને દૂર કરવા માટે આ ખાસ મીઠાઈઓ પ્રેગ્નન્સી દરમિયાન કોલકાતાથી લાવવામાં આવી હતી. રાહાના જન્મ પછી પણ આલિયાને આ મીઠાઈ ખાવાની ઈચ્છા રહે છે.
રાહા કપૂરના પિતા રણબીર કપૂર પણ તેમના કામની સાથે પત્ની આલિયા અને પુત્રીને પૂરો સમય આપતા જોવા મળે છે. જોકે, રણબીર કપૂર ટૂંક સમયમાં લંડન જવા રવાના થશે જ્યાં તેની આગામી ફિલ્મ 'રામાયણ'નું શૂટિંગ શરૂ થશે.
આલિયા ભટ્ટ ટૂંક સમયમાં 'જીગરા' અને 'લવ એન્ડ વૉર' જેવી ફિલ્મોમાં જોવા મળશે. મીડિયા રિપોર્ટ્સ અનુસાર, તેણે ફિલ્મ 'જીગરા'નું શૂટિંગ પૂર્ણ કરી લીધું છે. આ સિવાય આલિયાની ફિલ્મ 'લવ એન્ડ વૉર'ના ડિરેક્ટર સંજય લીલા ભણસાલી છે. આ ફિલ્મમાં તેની સાથે રણબીર કપૂર અને વિકી કૌશલ જોવા મળશે.
Click it and Unblock the Notifications
Sign in with Google
