કૅન્સ ફિલ્મ ફેસ્ટિવલને હિન્દીમાં સંબોધતાં અમિતાભ

મુંબઈ, 16 મે : સદીના મહાનાયક અમિતાભ બચ્ચન માટે આંતરરાષ્ટ્રીય કૅન્સ ફિલ્મ ફેસ્ટિવલમાં સમારંભનું ઉદ્ઘાટન કરવું ઐતિહાસિક ક્ષણ રહી. સમારંભમાં ધ ગ્રેટ ગૅટ્સબાય ફિલ્મના સહ-સલાહકાર લિયોનાર્ડો ડિકૅપ્રિયો સાથે ઉપસ્થિત બચ્ચને આ પ્રસંગે હાજર લોકોને પોતાની માતૃભાષા હિન્દીમાં સંબોધિત કરી આ પ્રસંગને વધુ ખાસ બનાવી દીધું.

અમિતાભ બચ્ચને પોતાના બ્લૉગ પર લખ્યું - કૅન્સમાં પૂર્ણત્વે બહારના કે વિદેશી તરીકે ઓળખાવાના કારણે એક ભારતીય તરીકે પોતાની ઉપસ્થિતિ નોંધાવવી મારા માટે મોટા ગૌરવની બાબત હતી. કૅન્સમાં પણ ભારતીય સિનેમાની 100મી વર્ષગાંઠ ઉજવાઈ રહી છે, તેથી એવામાં પોતાની માતૃભાષા હિન્દીમાં સમારંભને સમ્બોધિત કરવું મારા માટે મહત્વનુ હતું.

તેમણે લખ્યું - આ ચોક્કસ રીતે જ મારા માટે એક ઐતિહાસિક ક્ષણ હતી, પણ ભારતીય ફિલ્મ જગત માટે આ અનેકગણું વધુ ઐતિહાસિક અને સન્માનજનક હતું. મને ભારતીય ફિલ્મ બિરાદરી ઉપર ગૌરવ છે અને હંમેશા રહેશે. કૅન્સ ફિલ્મ ફેસ્ટિવલમાં અમને જે સન્માન અપાયું, તે સાચે જ અદ્ભુત હતું. સમારંભમાં અચાનક લિયોનાર્ડો તથા મને ઉદ્ઘાટન કરવા માટે મંચ ઉપર બોલાવાયાં અને કાર્યક્રમમાં હાજર લોકોએ તાળીઓના ગળગળાટ સાથે અમને વધાવ્યાં. એવું લાગતું હતું કે જેમ કે હું કોઈ રાજા-મહારાજ હોઉં. આ ખૂબ જ લાગણીસભર કરી નાંખતી ક્ષણ હતી.

English summary

It was a "historic moment" for Amitabh Bachchan to be invited to open the prestigious Cannes International Film Festival with his "The Great Gatsby" co-star Leonardo DiCaprio. Big B made the experience more special by addressing the audience in his mother tongue Hindi.