Pics : અને અમિતાભને ભેંટી પડ્યાં સલમાન ખાન

Updated: Thursday, October 10, 2013, 15:47 [IST]

મુંબઈ, 10 ઑક્ટોબર : મહેબુબ સ્ટુડિયોમાં બૉલીવુડની અનેક યાદો સંગ્રહાયેલી છે. આ સ્ટુડિયોમાં સમયાંતરે ફિલ્મોનું શૂટિંગ થતુ રહે છે અને ગઈકાલે આ સ્ટુડિયો બૉલીવુડના બે સ્ટાર્સની મુલાકાતનું માધ્યમ બની ગયું કે જ્યારે શહેંશાહ અમિતાભ બચ્ચન અને દબંગ સલમાન ખાન સામસામે આવી ગયાં.

મહેબુબ સ્ટુડિયો ખાતે અમિતાભ બચ્ચને સલમાન ખાન સાથે મુલાકાત કરી. બિગ બીને જોઈ ઉત્સાહિત સલમાન ખાન તેમને ભેંટી પડ્યાં. અમિતાભ બચ્ચન પોતાની આવનાર ફિલ્મ ભૂતનાથ 2 માટેનું શૂટિંગ કરવા મહેબુબ સ્ટુડિયો પહોંચ્યા હતાં કે જ્યાં સલમાન ખાન અને તબ્બુ પહેલાથી જ હાજર હતાં. તેઓ પોતાની આવનાર ફિલ્મ જય હો માટે શૂટિંગ કરી રહ્યા હતાં.

બિગ બી સાથે મુલાકાત કરી દબંગે ખૂબ જ રાહત અનુભવી. અમિતાભે પોતે ટ્વિટ કરી જણાવ્યું કે તેઓ સલમાન ખાનને મળ્યાં અને તેમની નર્વ પ્રોબ્લેમ અંગે પૃચ્છા કરી. બિગ બીએ જણાવ્યું કે સલમાનની તબીયતમાં હવે ઘણો સુધારો થયો છે.

આવો તસવીરોમાં જોઇએ શહેંશાહ-દબંગનું મિલન :

ભૂતનાથ 2નું શૂટિંગ શરૂ

અમિતાભ બચ્ચને ભૂતનાથની સિક્વલ ભૂતનાથ 2 માટે શૂટિંગ શરૂ કર્યું છે. તેઓ મહેબુબ સ્ટુડિયોમાં આ ફિલ્મના શૂટિંગ માટે પહોંચ્યા હતાં. તેમણે જણાવ્યું કે તેમના કપડા જોઈને કોઈને લાગે કે શિયાળો ચાલુ થઈ ગયુ છે, પરંતુ તેઓએ ફિલ્મમાં ભૂતના રોલ માટે આ વેશ ધર્યો છે.

સલમાનની જય હો

મહેબુબ સ્ટુડિયો ખાતે સલમાન ખાન જય હો ફિલ્મનું શૂટિંગ કરી રહ્યા હતાં. તે જ દરમિયાન અમિતાભ બચ્ચન પણ સ્ટુડિયોમાં પહોંચ્યાં અને સલમાન સાથે મુલાકાત કરી.

ભેંટી પડ્યાં સલમાન

સામાન્ય રીતે અમિતાભ સાથે પોતાની સમસ્યાઓ શૅર કરતા સલમાન ખાન અમિતાભને જોતા જ તેમને ભેંટી પડ્યાં. અમિતાભ અને સલમાને બાગબાં, ગૉડ તુસ્સી ગ્રેટ હો જેવી ફિલ્મોમાં સાથે કામ કર્યું છે.

તબ્બુને સ્વપ્ન આવી ગયું

અમિતાભને મળી તબ્બુ બહુ ખુશ થઈ ગયાં. તેમણે જણાવ્યું કે તેમને ગઈરાત્રે સ્વપ્ન આવ્યુ હતું કે તેઓ આવતીકાલે અમિતાભને મળવાના છે.

સલમાનની તબીયત સારી

સલમાન સાથે મુલાકાત બાદ અમિતાભે પોતાના બ્લૉગમાં લખ્યું છે કે સલમાન ખાનની તબીયત હવે સારી છે. તાજેતરમાં જ સલમાન ખાને પોતાની નર્વ પ્રોબ્લેમનો સામનો કર્યો હતો. અમિતાભે જણાવ્યું કે સલમાને તેમની સાથે તેમના નર્વ પ્રોબ્લેમ અંગે વાતચીત કરી.