મહિલા પત્રકારે કૈલાશ ખેર પર લગાવ્યો ગંભીર આરોપ, વાત કરતી વખતે ખોટા ઈરાદે જાંઘ અડતા

નવી દિલ્હીઃ નાના પાટેકર તનુશ્રી દત્તાએ યૌન શોષણને લગતા લગાવેલા ગંભીર આરોપો બાદ હવે સિંગર કૈલાશ ખેર આવા જ આરોપોમાં ફસાયા છે. આ વખતે મહિલા ફોટો જર્નલિસ્ટે કૈલાશ ખેર પર ગંભીર આરોપ લગાવ્યા છે. તેમણે આરોપ લગાવતા કહ્યું કે જ્યારે તે પોતાની સહયોગી સાથે ઈન્ટર્વ્યૂ માટે કૈલાશ ખેરના ઘરે ગઈ હતી ત્યારે કૈલાશ ખેરે પણ તેની સાથે શોષણ કર્યું હતું.

કૈલાશ ખેર જાંઘ પર હાથ ફેરવી રહ્યા હતા

જાણકારી મુજબ મહિલા ફોટોગ્રાફર એક ઈન્ટર્વ્યૂ દરમિયાન કૈલાશ ખેરની તસવીર ક્લિક કરવા માટે ગઈ હતી. આ દરમિયાન કૈલાશ ખેર બંને પત્રકારોની વચ્ચે બેસી ગયા અને મહિલા ફોટોગ્રાફરની જાંઘ પર સતત પોતાનો હાથ ફેરવી રહ્યા હતા. મહિલા પત્રકારે સતત 15 ટ્વીટ કરીને આ ઘટના અંગે ભડાશ કાઢી છે. વધુમાં એમણે જણાવ્યું કે જ્યારે એક શિપ પર કાર્યક્રમને કવર કરવા ગઈ ત્યારે જુલ્ફીએ પણ એમની સાથે જબરદસ્તી કરી હતી.

(1)
My #MeToo⁠ ⁠has singer Kailesh Kher & model Zulfi Syed, from when I was a newly appointed young woman photographer at Hindustan Times in Bombay, 2006.
Tweeting this thread for all to draw strength & speak out
❤️@photowallah@shubhangisapien@TheRestlessQuil@AnooBhu@weeny

— Natasha Hemrajani (@radiantbear) October 6, 2018

જબરદસ્તી કરી કિસ

મહિલા ફોટોગ્રાફરે કહ્યું કે તે પોતાનો મોબાઈલ જુલ્ફીના રૂમમાં ચાર્જિંગ પર લગાવીને ભૂલી ગઈ હતી, જ્યારે તે ફોન લેવા ગઈ તો જુલ્ફીએ અચાનક દરવાજો બંધ કરી દીધો અને એમને જબરદસ્તી કિસ કરવા લાગ્યો. કહ્યું કે મેં ના પાડી પરંતુ તે અટકવાનું નામ નહોતો લઈ રહ્યો, બાદમાં મેં એમને કહ્યું કે આ બિસ્તર પર કેમ ન કરીએ, તેઓએ મને છોડીને બિસ્તર પર જેવા ગયા કે હું રૂમમાંથી બહાર ભાગી ગઈ. જો કે બીજા દિવસે જુલ્ફીએ પોતાના વ્યવાહર બદલ માફી માંગી હતી.

(15)#MeToo
He said it was just a misunderstanding and he hoped I wouldn't make a big deal of it. I have spoken about both these incidents with colleagues and friends and they are always met with that headshake & 'what to do' expression. Until now. #MeToo@weeny@AGirlOfHerWords

— Natasha Hemrajani (@radiantbear) October 6, 2018

ઘટનાની જાણકારી ન આપી

આ પૂરી ઘટના વિશે મહિલા પત્રકારે પોતાની પાર્ટનરને જણાવ્યું, પરંતુ એણે કહ્યું કે તેનું મીડિયા હાઉસ આ સમાચાર છાપશે નહિ, જેથી બંનેમાંથી એકેયએ મીડિયા હાઉસને આ અંગે જાણ ન કરી. જો કે મહિલા પત્રકારોએ પોતાના અન્ય સાથીઓને ઘટનાની જાણકારી આપી હતી. ઉલ્લેખનીય છે કે એક બાદ એક સતત આવી ઘટનાઓ સામે આવી રહી છે, જ્યાં મહિલાઓ હવે યૌન શોષણ વિરુદ્ધ ડર્યા વિના અવાજ ઉઠાવી રહી છે.

English summary

Another lady journalist accused Kailash Kher of harassing her.