અર્જુન કપૂરે ડાયરેક્ટર શકુન બત્રા પાસે માંગ્યુ હતુ કામ, ડાયરેક્ટરે કર્યો ઇનકાર
અભિનેતા અર્જુન કપૂરે તાજેતરમાં જ ખુલાસો કર્યો હતો કે તેણે દિગ્દર્શક શકુન બત્રાને તેના નિર્દેશક સાહસ કપૂર એન્ડ સન્સમાં ભૂમિકા માટે કહ્યું હતું. આલિયા ભટ્ટ, સિધ્ધાર્થ મલ્હોત્રા અને ફવાદ ખાન અભિનિત કપૂર એન્ડ સન્સ ફિલ્મ વર્ષ
અભિનેતા અર્જુન કપૂરે તાજેતરમાં જ ખુલાસો કર્યો હતો કે તેણે દિગ્દર્શક શકુન બત્રાને તેના નિર્દેશક સાહસ કપૂર એન્ડ સન્સમાં ભૂમિકા માટે કહ્યું હતું. આલિયા ભટ્ટ, સિધ્ધાર્થ મલ્હોત્રા અને ફવાદ ખાન અભિનિત કપૂર એન્ડ સન્સ ફિલ્મ વર્ષ 2016 માં રિલીઝ થઈ હતી. આ ફિલ્મમાં ગે નવલકથાકારની ભૂમિકામાં અભિનેતા ફવાદ ખાનની ભૂમિકા ખૂબ લોકપ્રિય થઈ હતી.
ફવાદ ખાનની આ ભૂમિકા માટે અર્જુન કપૂરે ડિરેક્ટર શકુન બત્રાની પાસે કામ માંગ્યું હતું પરંતુ કામ થઈ શક્યું નહીં. અર્જુન કપૂરે ખુલાસો કર્યો કે જ્યારે મને ખબર પડી કે કપૂર એન્ડ સન્સ ફિલ્મના કાસ્ટિંગને કારણે આ ફિલ્મ સમય લે છે, ત્યારે તેણે આ જાણીને ડિરેક્ટરને કોલ કર્યો હતો.
અર્જુન કપૂરે કબૂલાત કરી કે મેં શકુન બત્રાને કહ્યું હતું કે મારે આ ફિલ્મમાં કામ કરવું છે. પરંતુ શકુન બત્રાએ મને આ ભૂમિકા માટે પસંદ નથી કર્યો. તેમણે માન્યું કે હું આ રોલ માટે યોગ્ય નથી.
ઇન્ટરવ્યૂ દરમિયાન અર્જુને કહ્યું આજે પણ હું મજાકથી શકુનને કહું છું કે તમે અર્જુનને લીધો ન હતો, પરંતુ મારો કપુર લીધુ હતુ. તમને જણાવી દઈએ કે ફવાદ ખાન પહેલા પણ ઘણા કલાકારોએ આ ભૂમિકા નકારી હતી. ફવાદ ખાનની ભૂમિકા ગેની હતી.
અર્જુન કપૂરના વર્કફ્રન્ટ વિશે વાત કરવામાં આવે તો તે જેકલીન ફર્નાન્ડિઝ, સૈફ અલી ખાન સાથે ભૂત પોલીસમાં જોવા મળશે. ભૂત પોલીસનો અર્જુન કપૂરનો લુક પણ રિલીઝ કરવામાં આવ્યો છે.