મલાઈકા સાથે બ્રેકઅપ પછી અર્જૂન કપૂર કરી રહ્યો છે કુશા કપિલાને ડેટ, અહીં જાણો સત્ય

Kusha Kapila: બૉલિવુડમાંથી રોજ કોઈને કોઈ એવા સમાચાર સામે આવે છે, જેના વિશે દર્શકોને જાણવું ગમે છે. હાલમાં સોશિયલ મીડિયા ઈન્ફ્લુએન્સર કુશા કપિલા વિશે આવા જ એક સમાચાર આવ્યા છે, જે મુજબ હાલમાં અર્જુન કપૂરનું મલાઈકા અરોરા સાથે બ્રેકઅપ થઈ ગયું છે અને તે હવે કુશા કપિલાને ડેટ કરી રહ્યો છે.

આ સમાચાર આવ્યા બાદ કુશા કપિલાએ પોતે આ અંગે મૌન તોડ્યું અને લોકોને સત્ય જણાવ્યું. બોની કપૂરના પુત્ર અને જાહ્નવી કપૂરના ભાઈ અને અભિનેતા અર્જુન કપૂર અને મલાઈકા અરોરાની લવ સ્ટોરી છેલ્લા ઘણા સમયથી બૉલિવુડની ગલીઓમાં ફેમસ છે.

વર્ષો પછી આ કપલને લઈને સોશિયલ મીડિયા સહિત ઘણી વેબસાઇટ્સ પર બ્રેકઅપની અફવાઓ ફેલાવવામાં આવી રહી છે. એવું કહેવામાં આવી રહ્યું છે કે અર્જુન કપૂર અને મલાઈકા અરોરા વચ્ચે બધુ સમાપ્ત થઈ ગયું છે, જો કે હજુ સુધી આ કપલે આવા સમાચાર પર કોઈ પ્રતિક્રિયા આપી નથી.

મલાઈકા અને અર્જુનના બ્રેકઅપના સમાચાર ત્યારે શરૂ થયા જ્યારે અર્જુન કપૂરે તેના ઈન્સ્ટાગ્રામ હેન્ડલ પર તેના સોલો વેકેશનની તસવીર શેર કરી. આ દરમિયાન તેણે એક રહસ્યમય પોસ્ટ લખી.

તેણે લખ્યું, 'જીવન ટૂંકું છે. તમારા વીકેન્ડને લાંબો બનાવો. આ પોસ્ટ પછી દરેક જગ્યાએ સમાચાર ફેલાઈ ગયા કે મલાઈકા અને અર્જુન અલગ થઈ ગયા છે. જો કે અર્જુન અને મલાઈકાએ હજુ સુધી કોઈ પ્રતિક્રિયા આપી નથી.

અહેવાલ છે કે અરબાઝ ખાનની પૂર્વ પત્ની મલાઈકા અરોરા પછી અર્જુન કપૂર સોશિયલ મીડિયા ઈન્ફ્લુએન્સરમાંથી અભિનેત્રી બનેલી કુશા કપિલાને ડેટ કરી રહ્યો છે. અફવાઓ ખૂબ જ વધી રહી હતી તેથી હવે કુશા કપિલાએ આ તમામ સમાચારો પર મૌન તોડ્યું છે અને જે લોકો આવી વાતો કરી રહ્યા છે તેમને જડબાતોડ જવાબ આપ્યો છે.

અર્જુન કપૂર સાથે ડેટિંગ કરવાના સમાચાર પર ટિપ્પણી કરતા કુશાએ કહ્યું, 'મારા વિશે દરરોજ આટલી બકવાસ વાંચ્યા પછી, મારે મારી પોતાની એક ફોર્મેટ ઇન્ટ્રોડક્શન કરવી પડશે. દરેક સમયે હું મારા વિશે આ બકવાસ જોઉં છું. હું માત્ર પ્રાર્થના કરું છું કે મારી માતા આ બધું ન વાંચે. તેમના સામાજિક જીવનને ઝટકો લાગશે. કુશાએ આ બધું લખતાં જ લોકોને લાગ્યું કે કુશા તેના સંબંધને છુપાવવાનો પ્રયાસ કરી રહી છે.

English summary

Arjun Kapoor has broken up with Malaika Arora and he is now dating with Kusha Kapila. Know the truth here.