બૉની-મહેશના પુત્ર-પુત્રી ફિલ્મી પડદે ખેલશે પ્રણયફાગ
મુંબઈ, 4 ઑક્ટોબર : આપ વિચારતાં હશો કે આ અમે શું કહી રહ્યાં છીએ, પણ આ જ હકીકત છે મિત્રો. હવે બૉની કપૂરનો પુત્ર અર્જુન કપૂર અને મહેશ ભટ્ટની પુત્રી આલિયા ભટ્ટ પડદા ઉપર પ્રણયફાગ ખેલતા દેખાશે.
સમાચાર છે કે અર્જુન અને આલિયા બંનેએ સાથે એક ફિલ્મ સાઇન કરી છે કે જે ચેતન ભગતની જાણીતી નવલકથા ટુ સ્ટેટ્સ પર આધારિત છે. ફિલ્મ બે એવી વ્યક્તિયોની પ્રેમ કહાણી છે કે જેઓ જુદા-જુદા પરિવેશમાં ઉછરેલાં છે. એક સાઉથની છોકરી છે, તો બીજો પંજાબનો છોકરો. કહે છે કે આ વાર્તા ચેતન ભગતની રીયલ લવ સ્ટોરી છે.
આ ફિલ્મ બનાવશે અભિષેક બર્મન કે જે આલિયાની પ્રથમ ફિલ્મ સ્ટુડન્ટ ઑફ ધ ઈયરના સહાયક દિગ્દર્શક છે. આલિયાએ આ ફિલ્મ એટલા માટે સાઇન કરી છે કારણ કે કરણ જૌહર સાથે કરેલ તેનો કરાર ખતમ થઈ ગયો છે. કરણે આલિયાને તેમની ફિલ્મ પૂર્ણ થવા સુી કોઈ બીજી ફિલ્મ સાઇન ન કરવાનો કરાર કર્યો હતો.
તો બીજી બાજુ બૉની કપૂરના પ્રથમ લગ્નથી થયેલ પુત્ર અર્જન કપૂરને લોકો ઇશકઝાદેમાં જોઈ ચુક્યાં છે. લોકોએ અર્જનને પસંદ કર્યો છે. એવામાં આશા સેવી શકાય કે આલિયા-અર્જુનની પડદા ઉપર થનાર ગુટરગું લોકોને પસંદ પડશે.