Pics: બલમા આયટમ સૉંગે ક્લાઉડિયાને આપી ઓળખ

Published: Monday, December 10, 2012, 15:10 [IST]

મુંબઈ, 10 ડિસેમ્બર : બિગ બૉસ સીઝન 3માં પ્રતિસ્પર્ધી તરીકે ભાગ લઈ ચુકેલ જર્મન મૉડેલ તેમજ એક્ટ્રેસ ક્લાઉડિયા સિએસ્લાએ તાજેતરમાં જ અક્ષય કુમારની ખિલાડી 786 ફિલ્મમાં બલમા આયટમ સૉંગ કર્યું છે. ક્લાઉડિયાનું કહેવું છે કે આ આયટમ ડાંસે તેમને ફિલ્મ ઇન્ડસ્ટ્રીમાં એક ઓળખ આપી છે અને તેના પછીથી તેમને દક્ષિણ ભારતની અનેક ફિલ્મોની ઑફરો મળવી શરૂ થઈ ગઈ છે.

ક્લાઉડિયાએ ગત 7મી ડિસેમ્બરના રોજ રિલીઝ થયેલ અક્ષય કુમારની ફિલ્મ ખિલાડી 786ના બલમા આયટમ સૉંગમાં સોનાક્ષી સિન્હા તેમજ અક્ષય કુમાર સાથે ડિસ્કો ડાંસ કર્યો છે. આ ગીતમાં તેમના ડાંસના ખૂબ વખાણ થઈ રહ્યાં છે.

ક્લાઉડિયાએ જણાવ્યું - હું આયટમ ગર્લ ગણાવાનું પસંદ કરીશ, કારણ કે હવે આ સન્માનજનક પદ છે. ફિલ્મ ઇન્ડસ્ટ્રીની તમામ મુખ્ય અભિનેત્રીઓ આયટમ સૉંગ કરી રહી છે. પછી તે કૅટરીના કૈફ હોય કે કરીના કપૂર. આયટમ સૉંગ નવી અભિનેત્રીઓ માટે એક સારો પ્લેટફૉર્મ છે કે જ્યાં તેઓ પોતાની અદાકારી તેમજ નૃત્ય કૌશલ દાખવી શકે છે.

આ સાથે જ ક્લાઉડિયાએ પોતાના ગીત વિશે જણાવ્યું - મારા આયટમ સૉંગ બાદ મને ઇન્ડસ્ટ્રીમાં ખૂબ વખાણ મળી રહ્યાં છે. અહીં સુધી કે અય સરે પ્રથમ વાર મારો ડાંસ જોઈ મારી ખૂબ પ્રશંસા પણ કરી હતી. મને બૉલીવુડ, સાઉથ ફિલ્મ ઇન્ડસ્ટ્રી, જાહેરાતો સહિત અનેક ઑફરો મળી રહી છે.

ક્લાઉડિયા સિએસ્લા એક જર્મન મૉડેલ, એક્ટ્રેસ અને સિંગર છે. તેમણે માત્ર 15 વરસની વયે મૉડેલિંગ શરૂ કરી હતી. બિગ બૉસ 3માં તેઓ કૉન્ટસ્ટંટ તરીકે દેખાયા હતાં. તે શોને અમિતાભ બચ્ચન હોસ્ટ કરતા હતાં. ક્લાઉડિયાએ પછી જોર કા ઝટકા ટેલીવિઝન શોમાં પણ પોતાની હાજરી નોંધવી. આ શોને શાહરુખ ખાને હોસ્ટ કર્યો હતો. તેમાં તેઓ બીજા નંબરે રહ્યા હતાં.

આવો જોઇએ ક્લાઉડિયા સિએસ્લાની કેટલીક તસવીરો.