BoxOffice: બિન્દાસ લવસ્ટોરી બેફિકરેનું બોક્સ ઓફિસ કલેક્શન

રણવીર સિંહ અને વાની કપૂરની ફિલ્મ 'બેફિકરે' ગઇકાલે જ રિલિઝ થઇ છે. જાણો 'બેફિકરે' ફિલ્મનું પહેલા દિવસનું બોક્સ ઓફિસ કલેક્શન અહીં..

આદિત્ય ચોપરા દિગ્દર્શિત ફિલ્મ 'બેફિકરે' ગઇકાલે 9 ડિસેમ્બરના રોજ રિલિઝ થઇ છે. આદિત્ય ચોપરાની આ અત્યાર સુધીની સૌથી બોલ્ડ ફિલ્મ ગણાય છે. 8 વર્ષ બાદ ડિરેક્ટરના રોલમાં પાછા ફર્યા છે, એટલે લોકોને આ ફિલ્મ પાસેથી વધુ આશા હોય એ સ્વાભાવિક છે.

આ ફિલ્મના સવારના શોમાં 40-50% ઓડિયન્સ જોવા મળ્યું હતું, ફિલ્મમાં રણવીર-વાનીની જોડી ઘણાને બહુ ગમી તો ઘણાએ આ જોડીને એવરેજ ગણાવી હતી.

હવે ફિલ્મના પહેલા દિવસના બોક્સ ઓફિસ કલેક્શનની વાત કરીએ. આ ફિલ્મે પહેલા દિવસે 12 કરોડ જેટલી કમાણી કરી હોવાનું કહેવાય છે. અત્રે ઉલ્લેખનીય છે કે, નોટબંધી અને ફિલ્મનું લિમિટેડ ટાર્ગેટ ઓડિયન્સ; આ બે વાતને ધ્યાનમાં રાખતાં બોક્સ ઓફિસ પર આ ફિલ્મ ઓછામાં ઓછા 6-7 કરોડ કમાશે એવી આશા હતી. એની સામે આ ફિલ્મને 12 કરોડનું ઓપનિંગ મળ્યું છે.

આ ફિલ્મ તેના બોલ્ડ સિન અને કોનસેપ્ટને કારણે માત્ર યુવાવર્ગને ટાર્ગેટ કરે છે, જેને જોતાં ફિલ્મનું પહેલા દિવસનું બોક્સ ઓફિસ કલેક્શન ઘણું સારુ કહી શકાય.

English summary

Befikre box office collection of first day.