બિગ બૉસ ફેમ સના ખાને છોડી ફિલ્મ ઈન્ડસ્ટ્રી, કહ્યુ - અલ્લાહ મને રસ્તો બતાવે

બિગ બૉસ 6 ફેમ અભિનેત્રી સના ખાને ગુરુવારે બૉલિવુડ છોડવાનુ એલાન કર્યુ છે.

મુંબઈઃ બિગ બૉસ 6 ફેમ અભિનેત્રી સના ખાને ગુરુવારે બૉલિવુડ છોડવાનુ એલાન કર્યુ છે. સોશિયલ મીડિયા પર સના ખાને જણાવ્યુ કે તે હવે ફિલ્મ ઈન્ડસ્ટ્રીને અલવિદા કહી રહી છે. સના ખાને પણ ઝાયરા વસીમની જેમ પોતાના ઈસ્લામ ધર્મને આધાર બનાવીને બૉલિવુડને છોડવાની ઘોષણા કરી છે. તેણે સોશિયલ મીડિયા પર લખ્યુ કે અલ્લાહ તેને આ સફરમાં રસ્તો બતાવશે. સનાએ પોતાની પોસ્ટમાં એ પણ લખ્યુ છે કે તેને ફિલ્મ ઈન્ડસ્ટ્રીના કોઈ કામ માટે હવે કહેવુ નહિ. સના ખાન સલમાન ખાન સાથે પણ ફિલ્મોમાં કામ કરી ચૂકી છે.

સના ખાને ફેન્સનો માન્યો આભાર

ગુરુવારે કરેલા પોતાના ઈન્સ્ટાગ્રામ પર સનાએ લખ્યુ છે કે, 'ભાઈએ અને બહેનો..આજે હું મારી જિંદગીના એક મહત્વના વળાંક પર તમારી સાથે વાત કરી રહી છુ. હું વર્ષોથી ફિલ્મ ઈન્ડસ્ટ્રીની જિંદગી જીવી રહી છુ અને આ અરસામાં મને દરેક પ્રકારની શહોરત, ઈજ્જત અને દોલત પોતાના ચાહકો તરફથી નસીબ થઈ છે જેના માટે હું તેમની આભારી છુ. મારા જીવનની સૌથી ખુશીની પળ. અલ્લાહ મને આ સફરમાં રસ્તો બતાવે. તમે બધા મને તમારી દુઆમાં શામેલ રાખજો.'

સના ખાને શેર કરેલા પત્રમાં શું શું લખ્યુ?

સના ખાને શેર કરેલા પત્રમાં લખ્યુ, 'શું આપણે એ ના વિચારવુ જોઈએ કે આપણને ગમે ત્યારે મોત આવી શકે છે અને મર્યા બાદ આપણુ શું થવાનુ છે? આ સવાલોનો જવાબ હું ઘણા સમયથી શોધી રહી છુ. ખાસ કરીને બીજા સવાલનો જવાબ કે મર્યા પછી છેવટે શું થશે. આ સવાલના જવાબ જ્યારે મે મારા ધર્મમાં શોધ્યો ત્યારે જાણવા મળ્યુ કે દુનિયાની આ જિંદગી, અસલમાં મર્યા બાદની જિંદગીને સારી બનાવવા માટે છે. તે સારી ત્યારે જ હશે, જ્યારે વ્યક્તિ પોતાને પેદા કરનારની મરજીથી જિંદગી ગુજારે. માત્ર દોલત અને શોહરતને પોતાનો ધ્યેય ન બનાવો.'

સનાની ફિલ્મી સફર

બિગ બૉસ 6ની રનરઅપ રહી ચૂકેલી સના ખાન આ શોથી ખૂબ ફેમસ થઈ. સના ખાનનો જન્મ મુંબઈના ધારાવીમાં થયો છે. સનાના પિતા મૂળ કેરળના રહેવાસી છે. સના ખાને હલ્લા બોલ, વજહ તુમ હો, ટૉઈલેટ-એક પ્રેમકથા જેવી ઘણી મોટી ફિલ્મોમાં કામ કર્યુ છે. આ ઉપરાંત સના ખાને ઘણી વેબ સીરિઝમાં પણ કામ કર્યુ છે. તે રિયાલિટી શોનો હિસ્સો પણ રહી ચૂકી છે.

English summary

Bigg Boss fame actress Sana Khan quits film industry forever and decides to spend life serving humanity.