રાધિકા આપ્ટેએ ખોલ્યા બૉલિવુડ ઈન્ડસ્ટ્રીના ગંદા રાઝ, કહ્યુ - કોઈએ કહ્યુ મસાજ આપી દઉ તો કોઈએ કહ્યુ બેડ પર...
આજે રાધિકા આપ્ટેનો જન્મદિવસ છે. આ અવસર પર અમે તમને જણાવીએ કે તેણે બૉલિવુડના કયા રહસ્યો જાહેર કર્યા છે.
મુંબઈઃ બૉલિવુડ એક્ટ્રેસ રાધિકા આપ્ટે માત્ર સારી એક્ટિંગ જ નથી કરતી પરંતુ લોકો તેની સુંદરતાના પણ દિવાના છે. રાધિકા આપ્ટેએ ફિલ્મોમાં પોતાનો બોલ્ડ લુક બતાવીને લોકોના દિલમાં એક અલગ જ જગ્યા બનાવી છે. તમને જણાવી દઈએ કે ઉત્કૃષ્ટ અભિનયથી લોકો પર જાદુ કરનાર અભિનેત્રી રાધિકા આપ્ટેને ઇન્ડસ્ટ્રીમાં 17 વર્ષથી વધુ સમય થઈ ગયો છે. કોઈપણ ગોડફાધરની મદદ વિના રાધિકા આપ્ટેએ પોતાની પ્રતિભાના આધારે બૉલિવુડ ઈન્ડસ્ટ્રીમાં પોતાની ઓળખ બનાવી છે. જો કે આ સફળતા મેળવવા માટે રાધિકાએ સખત મહેનત કરી છે. આ સાથે તેણે ઘણી ખરાબ બાબતોનો પણ મક્કમતાથી સામનો કર્યો છે. રાધિકા એ અભિનેત્રીઓમાંથી એક છે જેણે બૉલીવુડની ગંદકીને ખુલ્લેઆમ બધાની સામે ઉજાગર કરી છે. તેણે ડર્યા વગર દરેકને કાસ્ટિંગ કાઉચ અને ઈન્ડસ્ટ્રીના શરમજનક કૃત્યો વિશે જણાવ્યુ છે. આજે રાધિકા આપ્ટેનો જન્મદિવસ છે. આ અવસર પર અમે તમને જણાવીએ કે તેણે બૉલિવુડના કયા રહસ્યો જાહેર કર્યા છે.
2005માં કર્યુ બૉલિવુડમાં ડેબ્યુ
રાધિકા આપ્ટેનો જન્મ વેલ્લોરમાં ડૉક્ટર પરિવારમાં થયો હતો. તેણે અર્થશાસ્ત્ર અને ગણિતમાં સ્નાતક પૂર્ણ કર્યુ છે. રાધિકા હંમેશાથી અભ્યાસમાં સારી હતી. તેણે 8 વર્ષ કથકની તાલીમ પણ લીધી છે. ડાન્સ દરમિયાન તેણે થિયેટર કરવાનુ શરૂ કર્યુ અને તેણે અભિનયમાં રસ લેવાનુ શરૂ કર્યુ. રાધિકા પોતાનુ એક્ટિંગનુ સપનુ પૂરુ કરવા મુંબઈ આવી હતી. શરૂઆતમાં તેને નાની ભૂમિકાઓ જ મળી હતી. વર્ષ 2005માં તેણે ફિલ્મ 'વાહ લાઈફ હો તો ઐસી' દ્વારા બૉલિવુડમાં ડેબ્યૂ કર્યુ હતુ. જો કે આ ફિલ્મમાં પણ રાધિકાનો ખૂબ જ નાનો રોલ હતો.
ફિલ્મ કરવા માટે સાથે સૂવાનુ કહ્યુ
આ પછી રાધિકાએ 'શોર ઇન ધ સિટી', 'માંઝી ધ માઉન્ટેનમેન', 'બદલાપુર', 'પાર્ચ્ડ' અને 'અંધાધુંધ' જેવી ઘણી મોટી ફિલ્મોમાં કામ કર્યુ. એક ઈન્ટરવ્યુમાં રાધિકા આપ્ટેએ જણાવ્યુ કે કેવી રીતે તે કાસ્ટિંગ કાઉચનો શિકાર બની. તેણે કહ્યુ હતુ- એકવાર ફોન પર એક વ્યક્તિએ મને કહેવાનુ શરૂ કર્યુ કે બૉલિવુડમાં કેટલાક લોકો ફિલ્મો બનાવી રહ્યા છે અને તમે ફિલ્મોના સંબંધમાં તેમને પણ જઈને મળો. પરંતુ તમારે તેમની સાથે સૂવુ પડશે. એ વ્યક્તિની વાત સાંભળીને હું મોટેથી હસવા લાગી. મે તેને કહ્યુ કે તમે જાઓ અને તે લોકોને કહો કે ભાડમાં જાઓ, હું ક્યારેય આવા લોકો સાથે કામ કરવા માંગતી નથી.
શૂટિંગ દરમિયાન એક્ટરે કરી હતી છેડતી
આવા જ એક સમયે રાધિકા આપ્ટેએ એક ટૉક શોમાં સાઉથના ફેમસ એક્ટર વિશે ઘણી વાતો કહી હતી. રાધિકાએ તે શોમાં કહ્યુ હતુ - હું ફિલ્મનુ શૂટિંગ કરી રહી હતી. અભિનેતા મારી પાસે આવ્યો અને મારા પગને ગલીપચી કરવા લાગ્યો. મને તેના પર ખૂબ ગુસ્સો આવ્યો અને મે તેને થપ્પડ મારી દીધી. હું એ અભિનેતાને ઓળખતો નહોતી. એ ઘટના પછી હું એ અભિનેતાને ક્યારેય મળી નથી. આવી સ્થિતિમાં તેમના આ પગલાથી મને ખૂબ ગુસ્સો આવ્યો.
કાસ્ટિંગ કાઉચ વિશે ખુલીને કરી વાત
રાધિકા આપ્ટેએ બીબીસી ડૉક્યુમેન્ટરીમાં કાસ્ટિંગ કાઉચ વિશે ખુલ્લેઆમ જણાવ્યુ હતુ. બૉલિવુડના ડાર્ક સિક્રેટ પર વાત કરતા રાધિકાએ કહ્યુ- હું એવા લોકોને હિંમત આપવા માંગુ છુ જેઓ કાસ્ટિંગ કાઉચ પર વાત કરવાથી શરમાતા હોય છે. લોકો નથી વિચારતા કે આ સમાજ માટે તેમનો અવાજ કેટલો મહત્વનો છે. તેના અવાજથી કેટલા લોકો લાભ મેળવી શકે છે? પરંતુ લોકો ડરીને મોઢુ બંધ રાખે છે.
મહિલાઓ જ નહિ પુરુષો સાથે પણ થાય છે આવુ
રાધિકા આપ્ટેએ MeToo મૂવમેન્ટ વિશે ઘણી બધી બાબતો બધાની સામે મૂકી હતી. તેણે કહ્યુ હતુ કે - બૉલિવુડમાં પણ દરેક જગ્યાએ પાવર ચાલે છે. આના કારણે મહિલાઓ પર જાતીય હુમલો અને જાતીય સતામણી કરવી સરળ બની જાય છે. આવુ દરેક જગ્યાએ થાય છે. કદાચ એમના ઘરમાં પણ આવુ બને. આવુ માત્ર સ્ત્રીઓ સાથે જ નહિ પણ પુરુષો સાથે પણ થાય છે. તેણે આગળ કહ્યુ- આપણે બધાએ આગળ આવીને તેની સામે અવાજ ઉઠાવવો પડશે. તો જ પરિવર્તન શક્ય બનશે. આપણે સમાજમાં જાગૃતિ લાવવી પડશે.
રુમમાં બોલાવીને મસાજ આપવાની વાત કહી
MeToo વિશે વાત કરતાં રાધિકાએ કહ્યુ- એકવાર મને હૉલિવુડ ફિલ્મની ઑફર મળી. તે સમયે મને કમર અને પીઠમાં ખૂબ દુખાવો થતો હતો. તે સમયે હું લિફ્ટમાં હતી. એક વ્યક્તિ મારી પાસે આવ્યો અને મને કહેવા લાગ્યો કે જો તમને દુખાવો હોય તો તમે મને ગમે ત્યારે તમારા રૂમમાં બોલાવી શકો છો, હું તમને મસાજ કરી આપીશ. રાધિકાએ આગળ કહ્યુ- તે વ્યક્તિ મારા કરતા ઘણી મોટી હતી. તેની વાત સાંભળીને મને નવાઈ લાગી. મે તેને ગુડ નાઈટ કહ્યુ અને મારા રૂમમાં જતી રહી. મને આવી બાબતોનો બિલકુલ અનુભવ નહોતો.