Junior Mehmood Passed Away: બોલીવુડમાંથી આવ્યા માઠા સમાચાર, આ પીઢ અભિનેતાએ કહ્યું અલવિદા
Junior Mehmood Passed Away: બોલીવુડ જગતનમાંથી એક માઠા સમાચાર સામે આવી રહ્યા છે. દિગ્ગજ અભિનેતા જુનિયર મહેમૂદ હવે આપણી વચ્ચે રહ્યા નથી. તેઓ લાંબા સમયથી પેટના કેન્સરથી પીડાઇ રહ્યા હતા.
બે અઠવાડિયા પહેલા જાણકારી મળી હતી કે, તેઓ સ્ટેજ 4ના કેન્સરથી પીડાઇ રહ્યા છે. ગત રાત્રે તેમની તબીયત વધારે ખરાબ થઇ હતી, અને તેમનું 67 વર્ષની ઉંમરે 7 ડિસેમ્બરની મોડી રાત્રે મુંબઇ સ્થિત તેમના નિવાસ સ્થાને નિધન થયું હતું.
જુનિયર મેહમૂદના નિધનથી બોલીવુડમાં શોકની લહેર છે. તેમના અંતિમ સંસ્કાર આજે બપોરની પ્રાર્થના પછી સાંતાક્રુઝ કબ્રસ્તાનમાં કરવામાં આવશે, આ અંગે એક પરિવારના મિત્રએ પુષ્ટિ કરી છે.
બપોરે 12 કલાકે અપાશે અંતિમ વિદાય - મિત્ર સલામ કાઝીના કહેવા પ્રમાણે, મહેમૂદને ફેફસાં અને લીવરમાં કેન્સર હતું. આ ઉપરાંત આંતરડામાં ગાંઠ પણ મળી આવી હતી. ડૉક્ટર્સે જણાવ્યું હતું કે, કેન્સર ચોથા સ્ટેજમાં છે, અને તેના કારણે તેની તબિયત સતત બગડી રહી છે. જુનિયર મહમૂદ છેલ્લા કેટલાક દિવસોથી લાઈફ સપોર્ટ પર હતા. કાઝીના જણાવ્યા અનુસાર, જુનિયર મહેમૂદના અંતિમ સંસ્કાર શુક્રવારના રોજ બપોરે 12 કલાકે સાંતાક્રુઝ વેસ્ટમાં કરવામાં આવશે.
જુનિયર મહમૂદે 250 થી વધુ ફિલ્મોમાં કામ કર્યું (who is Junior Mehmood) - અત્રે નોંધનીય બાબત છે કે, પોતાની ખાસ સ્ટાઈલ માટે પ્રખ્યાત જુનિયર મહેમૂદે ઘણા સુપરસ્ટાર્સ સાથે 250 થી વધુ ફિલ્મોમાં કામ કર્યું છે.
જુનિયર મહેમૂદનું સાચું નામ હતું નઈમ સૈયદ - તેમનું સાચું નામ નઈમ સૈયદ હતું. તેમણે બાળ કલાકાર તરીકે પોતાની કારકિર્દીની શરૂઆત સંજીવ કુમાર, પીઢ અભિનેતા બલરાજ સાહની અને ઈન્દ્રાણી મુખર્જી અભિનીત ફિલ્મ નૌનીહાલ થી કરી હતી. વર્ષ 1967માં રિલીઝ થયેલી નૌનીહાલથી અત્યાર સુધી અભિનેતાએ પોતાનું નામ જુનિયર મેહમૂદ રાખ્યું છે. હિન્દી ફિલ્મો ઉપરાંત, અભિનેતાએ ઘણી મરાઠી ફિલ્મો પણ બનાવી છે.
જોની લીવર અને જિતેન્દ્ર મળ્યા હતા જુનિયર મહેમૂદ - તાજેતરમાં, કોમેડિયન અને અભિનેતા જોની લીવર જુનિયર મેહમૂદને મળ્યા હતા, જ્યારે હીરોએ અભિનેતા જીતેન્દ્ર અને સચિન પિલગાંવકરને મળવાની ઇચ્છા વ્યક્ત કરી હતી. બંને કલાકારો જુનિયર મેહમૂદના ઘરે મળ્યા હતા.
સચિન અને જુનિયર મેહમૂદે બચપન, ગીત ગાતા ચલ અને બ્રહ્મચારી જેવી ફિલ્મોમાં સાથે કામ કર્યું હતું. ફિલ્મો ઉપરાંત, તેઓ ભારત અને વિદેશમાં ઘણા સ્ટેજ શોનો ભાગ રહ્યો છે. તો જિતેન્દ્ર સાથે જુનિયર મેહમૂદે કારવા જેવી સુપરહિટ ફિલ્મ આપી હતી.
Click it and Unblock the Notifications
Sign in with Google
