Tiku Talsania:ટીકૂ તલસાનિયાને આવ્યો હાર્ટએટેક, ગંભીર હાલતમાં કરાયા હોસ્પિટલમાં દાખલ

બોલીવુડના દિગ્ગજ અભિનેતા ટીકુ તલસાનિયા વિશે એક મોટા સમાચાર સામે આવી રહ્યા છે. અભિનેતા ટીકુ તલસાનિયાને હાર્ટ એટેક આવ્યો હોવાના સમાચાર છે. હાલમાં તેમની હાલત ગંભીર હોવાનું કહેવાય છે.

મીડિયા રિપોર્ટ્સ અનુસાર, ટીકુ તલસાનિયા હાલમાં હોસ્પિટલમાં દાખલ છે. જોકે, આ અંગે હજુ સુધી કોઈ સત્તાવાર જાહેરાત કરવામાં આવી નથી. તમને જણાવી દઈએ કે ટીકુ તલસાનિયાએ ઘણી ફિલ્મોમાં કામ કર્યું છે. આ ઉપરાંત, તે ઘણા ટીવી શોનો પણ ભાગ રહી ચૂક્યો છે.

આ ફિલ્મોમાં મહત્વનો અભિનય
ટીકુ સુલતાનિયાએ 'પ્યાર કે દો પલ', 'ડ્યુટી' અને 'અસલી નકલી' જેવી ફિલ્મોમાં સહાયક ભૂમિકાઓ ભજવીને લોકોને ખૂબ હસાવ્યા. તેમણે 'બોલ રાધા બોલ', 'કુલી નંબર 1', 'રાજા હિન્દુસ્તાની', 'હીરો નંબર 1', 'બડે મિયાં છોટે મિયાં', 'વિરાસત' અને 'હંગામા 2' જેવી સુપરહિટ ફિલ્મોમાં પણ કામ કર્યું છે.

આ ટીવી શૉમાં કર્યુ છે કામ

ફિલ્મો ઉપરાંત, તેમણે ટીવી શોમાં પણ કામ કર્યું છે. તેમણે 'ગોલમાલ હૈ ભાઈ સબ ગોલમાલ હૈ', 'ઝિંદગી અભી બાકી હૈ મેરે ઘોસ્ટ' અને 'સાજન રે ફિર ઝૂટ મત બોલો' જેવી સિરિયલોમાં કામ કર્યું છે.

બે બાળકોના પિતા છે ટીકૂ તલસાણિયા
ટીકુ તલસાણિયાએ દીપ્તિ સાથે લગ્ન કર્યા છે, જેની સાથે તેમને બે બાળકો છે, એક પુત્ર સંગીતકાર રોહન તલસાણિયા અને એક પુત્રી શિખા તલસાણિયા જેમણે 'વીરે દી વેડિંગ', 'કુલી નંબર 1'જેવી ફિલ્મોમાં કામ કર્યું છે. 'આઈ હેટ લવ સ્ટોરીઝ' જેવી ફિલ્મોમાં અભિનય કર્યો છે.