બૉલીવુડ સુંદરીઓએ કરી કરવા ચોથની ઉજવણી : જુઓ તસવીરો

Updated: Monday, October 13, 2014, 11:09 [IST]

મુંબઈ, 13 ઑક્ટોબર : શનિવારે સમગ્ર દેશમાં કરવા ચોથની હર્ષોલ્લાસ સાથે ઉજવણી કરવામાં આવી. ઉત્તર ભારતીય રાજ્યો સહિત સમગ્ર દેશમાં કરવા ચોથની ઉજવણી કરવામાં આવી. મહિલાઓએ પતિના લાંબા આયુષ્ય માટે ઉપવાસ રાખ્યું અને પતિઓ સાથે ચાંદ જોઈ વ્રત પૂર્ણ કર્યું.

કરવા ચોથનો પર્વ હોય અને તેમાં બૉલીવુડ કઈ રીતે બાકી રહી જાય. દરેક તહેવારમાં ઉત્સાહભેર ભાગ લેતાં બૉલીવુડે કરવા ચોથની પણ શાનદાર ઉજવણી કરી હતી. બૉલીવુડ અભિનેત્રીઓએ પણ સામાન્ય મહિલાઓની જેમ પોતાના સુહાગના લાંબા આયુષ્યની કામના કરતા આ વ્રત રાખ્યું. ઐશ્વર્યા રાય બચ્ચન, જયા બચ્ચન, શિલ્પા શેટ્ટી, શ્રીદેવી, કિરણ ખેર સહિતની બૉલીવુડ હસ્તીઓએ પતિઓ સાથે ચાંદ જોઈ કરવા ચોથનું વ્રત પૂર્ણ કર્યું. અમિતાભ બચ્ચનના જુહુ ખાતેના બંગલે કરવા ચોથની ઉજવણી કરવામાં આવી, તો અનિલ કપૂરના ઘરે પણ કરવા ચોથ ઉજવવામાં આવી.

કરવા ચોથ પ્રસંગે લેખક ચેતન ભગત અને બીજી અનેક હસ્તીઓએ પોતાની પત્ની માટે વ્રત રાખવાનો સંકલ્પ પણ કર્યો. ટ્વિટર વડે પણ બૉલીવુડ હસ્તીઓએ કરવા ચોથના અભિનંદન પાઠવ્યાં. અભિનેત્રી પ્રિયંકા ચોપરાએ કરવા ચોથને પોતાનો મનપસંદ પર્વ ગણાવ્યો અને કહ્યું, ‘પોતાના પ્રેમ માટે કરવા ચોથનું વ્રત રાખનાર તમામ મહિલાઓને કરવા ચોથના અભિનંદન.' અભિનેત્રી દિવ્યા દત્તે પણ પોતાના ફૅન્સને કરવા ચોથના અભિનંદન પાઠવ્યાં.

ચાલો તસવીરોમાં જોઇએ બૉલીવુડનું કરવા ચોથ સેલિબ્રેશન :